Sahara eta Mongoliatik zaldiz eginiko bidaia ikus daiteke Amaian
Zure Abenturaren Bila programaren barruan, Zaldiz mugarik gabe: Saharako basamortuan eta Mongoliako estepan eta taigan zehar goiburuko ikus-entzunezkoa proiektatuko dute bihar, euskaraz, Amaia Kultur Zentroan (Lopez Bezerra kaletik sartuta). Mila Galla...
Zure Abenturaren Bila programaren barruan, Zaldiz mugarik gabe: Saharako basamortuan eta Mongoliako estepan eta taigan zehar goiburuko ikus-entzunezkoa proiektatuko dute bihar, euskaraz, Amaia Kultur Zentroan (Lopez Bezerra kaletik sartuta). Mila Gallastegi eta Asier Aranzabal dokumentalaren egileek egingo dute lanaren aurkezpena, 19:30ean hasita. Ekitaldia denentzat irekia da.
Proiekzioak nomaden bizitza landuko du; Gallastegik eta Aranzabalek miresmen handiz jaso zituzten bideokamerarekin nomaden irudiak euren bidaian: “Zorionez, gure planetan badaude oraindik hesirik gabeko lur eremuak, mugarik gabekoak eta biztanletzat nomadak dituztenak; hala nola, Saharako basamortua eta Mongoliako estepa. Bertan, begirada infinituan jarriz, zaldiz ibiltzea eta lauhazkatzea posible da”.