Hondakinak gaika biltzeko ezarriko den sistema berriaren ezaugarriak azaldu eta partekatzeko helburuz parte-hartze prozesua abiatuko da gaur Antxon. Herritarren iritziak jaso eta partekatzea da asmoa, zalantzak argitzea, eta herritarrek sistema berriarekiko dituzten proposamenak jaso eta aztertzea. Parte-hartze saioak bi fasetan egingo dituzte, eta fase bakoitzean launa batzarra, taldeka antolatuta. Honakoak dira taldeak, eta horietako bakoitzari dagozkion batzar egunak:
- Euskarazko taldearen batzarrak: lehen batzarra gaur eta bigarrena abenduaren 4an, biak 19:30ean Kultur Etxean.
- Gaztelerazko taldearen batzarrak: lehen batzarra bihar eta bigarrena abenduaren 9an, biak 19:30ean Kultur Etxean.
- Ostalaritza guneen, elkarte gastronomikoen eta merkatarien batzarrak: bi batzar egingo dituzte, biak egun berean, abenduaren 10ean, lehena 14:00etan eta bigarrena 20:00etan, Kultur Etxean.
- Erretiratuekin batzarrak: etzi eta abenduaren 5ean, 11:00etan, Kultur Etxean.
- Abenduaren 16an, 19:30ean eta Kultur Etxean, batzar orokorra egingo da ondorioak eta sistema berriaren behin betiko ezaugarriak azaltzeko.