San Markoko transferentziagunea tokiz aldatzeko eskatu du udalak
Jose Manuel Ferradas Mendi eta Ingurumen zinegotziak jakinarazi duenez, Gipuzkoako hiri hondakinen azpiegitura planari alegazioa aurkeztu dio udalak. HHSen transferentziagunea San Markoko zabortegi zenetik kentzeko eskatu dute, eta Lau Haizeta parketik at kokatzeko. Gogorarazi duenez, 1999tik parke naturgune babestua da, eta jende askok bisitatzen du. Zabortegia ixteak balio handiagoa emango lioke inguruari.