Bildt hizkuntzaz, Gerard de Jong idazle frisiarrarekin

Gerard de Jong, beste hitzak, hugoenea

Gerard de Jong idazle eta kazetaria Donibanen izango da datozen bi hilabeteotan.

Hugoenean da  Gerard de Jong idazle frisiarra. Beste Hitzak-Other words programaren bitartez etorri da Donibanera, eta bi hilabetez egongo da bertan lanean.

Bildt hizkuntza da Gerard de Jong idazlearen ama-hizkuntza. Erabilera oso urrikoa, sei mila hiztun besterik ez ditu, XVI. mendetik aurrera garatu den hizkuntza bat da. Herbehereetako nekazariek erabiltzen zuten, baita dikeak eraikitzen ziharduten langileek ere. Haien bidez iritsi zen hizkuntza frisiar lurraldeetara.

Gerard de Jong Pasaian denez, kafe-tertulia antolatu dute Beste Hitzak programaren arduradunek, Donibaneko Liburutegiaren Lagunekin elkarlanean. Ostegunean da solasaldia (hilak 11), aiton-amonen aterpean , 18:00etan.

“Bildt hizkuntza txikia erabiliz, sorkuntza lanean nola moldatzen den jakiteko aukera izango dugu” adierazi dute antolatzaileek. Izan ere, Gerard de Jongek,  kazetaritza eta literatura arloetan eskarmentu handia duela jakinarazi dute antolatzaileek. Bildtse Post egunkariaren zuzendaria da, besteak beste.

Ez dago ekarpenik

Egin iruzkin bat

*

*


*

 

Albiste irakurrienak

Send this to friend