Joseba Aurkenerena idazle eta irakasleak gutuna idatzi du Mikel Arrizabalaga Lezoko alkate izandakoaren heriotzaren harira.
Apirilaren 11n hil zen Mikel Arrizabalaga Pikabea, 1987-1991 eta 1995-1999 urteetan Lezoko alkatea izan zena, 69 urterekin. Garai hartan, 1997-1998an, 1995ean sortuz geroztik, prefabrikatu batean zen Urruñako Ikastola eraikin duin bat atzemateko ahaleginetan ari zen. Urruñako alkateak traba handiak ezartzen zituela ikusirik, Mikel Arrizabalaga hainbat alditan telefonoz mintzatu zen harekin, bere jarrera zuzendu zezan eskatuz. Hitz gogorrak izan ziren bien artean.
Horretaz gain, Lezoko Udaletxeak diru kopuru bat igorri zion Urruñako Ikastolari, eta kultur ekitaldi bat antolatu zuen Lezoko plazan ikastolaren aldeko xoxak biltzeko. Lezoko langileen brigada ere Urruñara igorri zituen, eraikuntza lanetan lagundu zezaten. Gauza bera egin zuen gerora Xiberoko Ikastolarekin.
Goian bego, euskaltzale eta abertzale handia! Euskal lurrak bere baitan goxo har dezan!
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako.
