[Asteburuko emaitzekin] Allerru, lider!

allerru

Allerruren aurtengo taldearen argazkia.

Ezustekoa asteburuan, Erregional Preferentean. Ostadarrren etxean Deusto-Donostiak galdu zuelako (1-0), eta Allerruk etxean nabarmen Urnieta gainditu zuelako (6-2), Gizonen Erregional Preferenteko Allerru lider jarri da. Ezustean, bai. Izan ere, lezoarrek euren lana ondo baino hobeto egin bazuten ere, ez zen espero Deusto-Donostiaren tupustekoa Ostadarren zelaian: 16tik 14. zena eta lehena izan ziren aurrez aurre, eta azkenean, lasartearrak nagusi. Allerru jada oparitxo bat prestatzen ari da Ostadarri bidaltzeko, a ze karanbola!

Orain, Erregional Preferenteko liga bukatzeko zortzi jardunaldi falta dira. Joera honakoa da: Allerru gero eta hobeto ari da lehiak aurrera ateratzen, eta Deusto-Donostia larri dabil, arnasestuka. Hortaz, Ohorezko Erregional Mailara —Gipuzkoako mailarik gorenena— zuzenean Erregional Preferentearen txapelduna igotzen denez —bigarrenak kanporaketa jokatu beharko luke maila horretako beste multzoko bigarrenaren kontra—, gaur-gaurkoz Allerruk boleto asko ditu —izerdiz irabaziak—  iaz ihes egin zien igoera eureganatzeko. Baina erne; zortzi jardunaldi asko dira eta.

Hurrengo neurketa Donostian jokatuko du Allerruk EAS08ren etxean; bosgarren dira donostiarrak, hortaz, asko landu beharreko partida izango da.

Bestalde, herriko beste hainbat taldek ere asteburu oparoa izan dute. Honakoak dira lezoarren emaitzak:

FUTBOLA

Gizonen Erregional Preferentea

  • Allerru-Urnieta 6-2

Emakumeen Erregionala, Kopa

  • Santo Tomas Lizeoa-Allerru 1-4

Gizonen Lehen Erregionala, Kopa

  • Asoleus-Allerru 2-6

Gizonen Gazteen Lehen Maila, Igoera Fasea

  • Allerru A-Aloña Mendi 7-1

Gizonen Gazteen Lehen Maila, Kopa

  • Allerru B-Mariño 2-3

ESKUBALOIA

Emakumeen Euskal Liga, Bigarren Maila, Bigarren Fasea

  • Romo-Munttarpe 17-24

Gizonen Gipuzkoako Bigarren Maila

  • Atseden zuen Munttarpek

ARETO FUTBOLA

Gizonen Gipuzkoako Lehen Maila

  • Jaixki AFT-Orio 10-2

Gizonen Gipuzkoako Bigarren Maila

  • Goierri-Gaintxu AFT 2-5

SASKIBALOIA

Gizonen Gipuzkoako Hirugarren Maila

  • Kurkubi SBT-Electricidad Perosanz 66-38
Ez dago ekarpenik

Egin iruzkin bat

*

*


*

Send this to friend