Hiru bandera irabazi ditu San Juan Koxtapek Gipuzkoako Batel Txapelketan

Bi zilarrezko domina eta brontzezko batek osatu dute sanjuandarren uzta; Hibaikak zilarrezko eta brontzezko bana irabazi ditu.

olatz mitxelena

Errenteria-Orereta,Pasaia

2018/04/16

Sanjuandar harrobia eta prestatzaileak, talde argazkian.

San Juanek eta Oriok hiruna bandera irabazi dituzte Gipuzkoako Batel Txapelketan; Koxtapek nesken Senior eta Gazteen Mailan, eta Kadete mutiletan, eta Oriok, berriz, gazteenen kategorietan: Haurren Mailan neska eta mutiletan, eta neska kadeteetan. Senior mutiletan Donostiarrak irabazi du bandera, eta zilarra irabazi dute sanjuandarrek. Brontzea mutilen kategoria nagusian Oriorentzat izan da. Nesken kategoria nagusienean, esan bezala, sanjuandarrek irabazi dute eta Hibaika eta Ur Kirolek-entzat izan dira zilarra eta brontzea, hurrenez hurren. Hibaikak neska kadeteekin brontzea irabazi du, eta kategoria berean lortu du Ziaboga Onenaren saria Maddi Retegi oiartzuarrak. San Pedro eta Illunbeko batelek ez zuten larunbatean jokatutako kanporaketetan finaletarako sailkatzerik lortu, baina, Illunbek, mutil kadeteetan Federakuntza sariko estropada irabaztea lortu zuen atzo. Euskadiko txapelketa Legution

Moreen harrobia, pozik txapelketa bukatuta

Gipuzkoako Liga eta txapelketa jokatuta, batelek beste bi zita garrantzitsu dituzte egutegian denboraldia bukatutzat eman aurretik. Asteburu honetan bertan Legution elkartuko dira, han jokatuko delako Euskadiko Txapelketa. Larunbata arratsaldean izango da kanporaketa eta igande goizean finala. Legutioko indartsuenek, azkenik, Espainiako Txapelketan lehiatzeko aukera izango dute, hilaren 28an eta 29an, Galizian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.