Eskerrik asko, Orereta Ikastola!

Orereta Ikastolako DBH 3. mailako 100 ikaslek sortutako olerki ederra oparitu diote gaur HITZAri.

Malen Zuloaga, Maialen Iriondo eta Amaia Lertxundi Urko Etxebeste zuzendariarekin eta opari ekarri duten olerkiarekin.

Opari berezia egin dio HITZAri Orereta Ikastolak. DBH 3. mailako lau geletako ikasleek, beren iniziatibaz, olerki ederra osatu dute taldeka, hitzez hitz josi eta marko dotorean jarrita erredakziora ekarri. 100 ikaslek hartu dute parte olerkiaren osaketan, eta horien guztien izenean Maialen Iriondo, Amaia Lertxundi eta Malen Zuloagak eman diote eskura Urko Etxebeste zuzendariari.

OARSOALDEKO HITZA jaio zen urte berean sortu ziren mundura, eta hamabosgarren urteurrenaren harira, hitz eta olerki zinez ederra ekarri dute opari. Eskerrik asko bihotzez guztiei!

Olerkia

“Zorionak Hitza”

15 urteko hitza, gure bizitza.

Jaio ginen batera,

eta ibili gara batetik bestera.

Urtez urte, hitzez hitz…

gu hazi gara eta Hitza bizi da.

15. urtea zer zortea, elkarrekin egitea!

Zu zara notizien bitartekaritza, euskararen hitza eta giltza.

Hitza, euskarari eman diozu bizitza.

15 urte eta gero, zure berri dugu ostiralero.

Astero informazio zehatza,

eskualdeko piperra eta gatza,

egunero erabiliz arkatza,

nahiz eta batzuetan xenda izan garratza.

Orain gara nerabe

pixkat arduragabe

baina elkarrekin jarraituko dugu etorkizun hobearen alde!

Beste hainbeste urtez jarrai dezagun euskaraz bidean,

zurean eta gurean.

Elkartrukean.

DBH 3. mailako ikasleak

Hitzarekin batera jaiotako ikasleak

 

 

Ez dago ekarpenik

Egin iruzkin bat

*

*


*

 

Albiste irakurrienak

Send this to friend