[Argazki galeria] Bozka eskuz esku iritsi da San Pedrotik Errenteriako Zumardira

Giro kaxkarrari tinko eta alai erantzun diote eskualdeko milaka lagunek

2016/11/06

olatz mitxelena

Albaolako ontziek iragarritako ordurako ekarri dute badia erdira bozka eta hautetsontzia. Han, eskualdeko bost traineruak zituzten zain, arraunak, gora, Gure Esku Dago-ren eskua irudikatuz, eta orduan atertu du, bozka San Pedro aldera iristearekin bat. San Pedroko ontziralekutik eskuz esku eta etenik gabe egin du bidea bozkak, eskualdeko aurpegi ezagunek lekukoa hartuta. Jendetza izan da bide osoan, Trintxerpen hasi, Eskalerillas, Buenavista, Antxo, Kaputxinoak, eta Alaberga auzotik Errenteriako Gamon Zumardirako bidea hartzeraino. Bidean, herritarrek aldarrika eta kantari hartu dute bozkaren lekukotza. Ia azkeneraino eutsi dio ateri, azken metrotan euria gogotik egin badu ere.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.