Oarso aldizkariaren azken alea aurkeztu dute gaur. Oparo, dotore eta euskaldunago heldu da aldizkariaren ale berria.
Lakunza, Lopez Etxezarreta, Mendoza eta Ordozgoiti.
aldizkariaren azken alea aurkeztu dute gaur. Oparo, dotore eta euskaldunago heldu da aldizkariaren ale berria, izan ere, bertan bildutako artikuluen %51 pasa euskaraz idatzita daude. Azken datu horrekin pozik azaldu da Julen Mendoza alkatea, Garazi Lopez Etxezarreta zinegotzia eta Koldo Ordozgoiti eta Juan Miguel Lakunza
Oarso aldizkariaren erredakzio batzordeko kideekin batera egin duen aurkezpen ekitaldian. Aurten 64 artikulurekin osatu dute eta 319 orrialde ditu.
Emakumeen parte hartzea ere igo da aurtengo alean, “gutxi izan bada ere”, esan du Mendozak eta datua eman du: “Hamahiru emakumek idatzi dute, eta 40 gizonek. Diferentzia handia da oraindik ere, baina espero dugu pare bat urtean %50era heltzea”.
Hildako, Ion Arretxe, Mikel Carcedo, Antton Obeso, Adolfo Leibar, Jose Kruz Sarasola, edo Sabin Etxabegureni zuzendutako idatziekin batera, errefuxiatuen, Gernikaren bonbardaketaren, edo ijito herriaren gaineko erreportajeak bildu dituzte. Gudarien historiari ere egin diote keinu
Oarso-ren azken alean, Ordozgoitik nabarmendu duenez: “Desagertutako 80 gudari gazteen historia bada, horietako hamabi errenteriarrak eta pasaitarrak dira gainera”. 1977ko Amnistiaren Aldeko Astearen gainean idatzi du Joxe Iriarte
Bikilak, eta Elixabete Perez Gazteluk Frantziska Astibia Etxegoien
Onintze eta
Astitxe izengoitiekin ezaguna izan zen idazle eta emakume fededun militante errenteriarra lehen lerrora ekarri du
. Horiekin guztiekin batera, Galleteroen gainekoa edo
Burdinaren errenteriak aurkitu daitezke, baita 1983. urteko madalenen gainekoa ere, besteak beste.
Auzolanaren emaitza dela
Oarso nabarmendu du Ordozgoitik, “47 lagunek eta hainbat elkarteek egindakoa. Egileen laurden bat gainera, berria da, eta hori oso positiboa da”.
Pozik emaitzarekin guztiak, orain herritarren txanda heldu dela esan du Ordozgoitik: “Errazena egin du, argitaratzea; orain herritarrek erosi, eta irakurri behar dute”, eta horretara animatu ditu. Oarso aldizkariaren salmenta aldatu dute, eta aurten herriko kiosko eta saltokietan izango da, zazpi euroan.
Salmenta puntuak
- Beraun: Paco kioskoa
- Fanderia: Marian liburudenda
- Iztieta: Razkin estankoa, eta Urtzi kioskoa.
- Erdigunea: Hostoak, Alameda kioskoa, Etxenike Loteria, Maitexa estankoa, Mirentxu Liburudenda, Xenpelar kioskoa, Morrongilleta estankoa, Niessen kioskoa, Bitxi Kolore, Zumardiko kioskoa eta Xenpelar Kulturdenda.
- Olibet: Rojas liburudenda.
