Musikaz Blai abiatuko da asteburuan

Datozen bi asteburuetan kontzertu ugari izango dira Trintxerpen

olatz mitxelena

2015/05/27

Herriko musikari eta musikazaleak, Musikaz Blai jaialdiaren aurkezpenean, Trintxerpen.

Urtero hamarnaka musikari eta musikazale biltzen dituen Musikaz Blai jaialdia asteburu honetan abiatuko da. Lehengo ostiralean aurkeztu zuten Trintxerpen, parte hartzaileetako asko bertan zirela. Iragarri zutenez, egitaraua ostirala honetan hasi, eta ohi bezala, San Joan bezperan bukatuko da suaren inguruan egingo diren dantzekin. Aurretik, baina, musikaz bete bi asteburu programatu dituzte. Asteburu honetan, besteak beste, Txistularien VIII. Alardea eta Donibane, Trintxerpe eta Leioako musika banden kontzertuak izango dira, eta hurrengo asteburuan, berriz, Gipuzkoako dantza solteko 60. haur txapelketa eta Abesbatza Eguna ospatuko dituzte. Horiez gain, urtero legez, musika eskolako ikasleen kontzertuak izango dira egunero, eta baita haurrentzako bestelako jarduerak ere, antzerkia, buruhandiak edota jolasak kasu. Egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.