Europak mugak zabaldu, eta errefuxiatuak tratu duina jaso dezaten galdegingo dute Errenteria-Oreretako zein iguruko hamarnaka eragile eta norbanakok.
Errefuxiatu haur bat. Argazkia: Matthew Aslett /SMH
Lampedusaren mosaikoaren inguruan egin dute hitzordua gaur 19:30ean. Europak mugak zabaldu, eta errefuxiatuak tratu duina jaso dezaten galdegingo dute Errenteria-Oreretako zein iguruko hamarnaka eragile eta norbanakok. Ez daude prets besoak gurutzatuta ikusteko Europaren eraginkortasun eza, pasibitatea eta utzikeria, gerratik ihesi datozen milaka errefuxiatuen egoera kudeatzeko. Heriotzatik ihesi datozen horietako askori, bizirik jarraitzeko aukera zuten Europa hilobi bilakatu zaie. Mandatariek, lotsagorritu gabe, beste alde batera begiratzen dute bitartean.
Hori guztia salatuko dute gaur Errenterian berrogeitik gora eragilek deitutako elkarretaratzean. Eta errefuxiatu horiek lekua badutela herrian esango dute, bide batez, ongi etorriak direla, harresirik gabeko eremua dela Errenteria. Deitzaileen artean arlo guztietako eragileak: Kultura, gastronomia, kirol edo auzo elkarteak, haurrekin lan egiten ari direnak, erlijio komunitateak, euskaltzaleak, sindikatu eta alderdi politikoak. Hamaika jatorri baina helburu berak batuko ditu, “gobernuak eraikitzen ari diren Europa katastrofikoa” iraultzea.
Duela urtebete Mediterraneoan itotako 700 etorkinak izango dituzte gogoan, bestalde. Horiekin batera, gaur egun Mazedonian negar gasekin eraso, Greziatik Turkiara indarrez kanporatu, Melillako alanbre hesietako txarrantxetan gurutziltzatu, edo Calaiseko kontzentrazio eremuetan dauden errefuxiatuen egoerarekin kezkatzen direla, eta laguntzeko prest direla ozen esango dute. Gobernuek bestaldera begiratzen duten bitartean,
herritarrak ez daudelako horretarako prest.
Elkarretaratzea deitu duten eragileak
- Mikelazulo elkartea.
- Txintxarri elkartea.
- Fatima Parrokia.
- Centro Islámico ASSAFAVASC.
- Centro Isl’amico SUNNA.
- Oinez Harrera Etxea.
- SOS Arrazakeria.
- Centro Nigeriano.
- Hibaika Arraun Elkartea.
- Monfragüe elkartea.
- Equo.
- Gaztañoko Auzo Elkartea.
- San Jose Obrero Parrokia.
- Alabergako auzo Elkartea.
- Goiko Eskola
- GOT (Grupo Oarso Taldea).Zintzilik Irratia.
- Errenteriako Artziprestagoaren Batzordea.
- Orotarik Gazte Elkartea.
- Lau Haizetara Euskaltzaleon Topagunea.
- AEK.
- Galtzarabordako Espiritu Santua Parrokia.
- EH Bildu.
- Ernai.
- Badia Eskola antzerki eskola.
- Anakrusa taldea.
- Metrokoadroka antzerki taldea.
- Soro Xoro taldea.
- Dejabu antzerki Taldea.
- Badut taldea.
- Zizur nagusiko Erreniega IPko Hots Guraso Elkartea.
- Aeda (ipuin kontalarien elkartea).
- Oiartzungo San Esteban parrokia.
- Pikoketa Errepublikazaleen elkartea.
- Bilgune Feminista.
- Irabaziz.
- Podemos.
- Oarsoirriak.
- Oarso Bidasoko LAB.
- Oarso Bidasoko ELA.
- Sare.
- Amalatz elkarte feminista.
- Gau Txori.
- Oarso Bidasoko Hitzako langileak.
