[Argazki galeria] Fresnesko espetxean borrokan daudenekin bat egin dute Errenteria-Oreretan

Borrokan ari dira Frantziako Fresnes espetxeko euskal presoak: gizonak gose greban daude, eta emakumeek amaitutzat eman zuten euren protestaldia. Itziar Moreno presoa isolamenduan dutelako ari dira egiten ekintza horiek.

Urko Etxebeste

Errenteria-Orereta

2016/05/21

Niessenen atarian elkarretaratzea egin dute eguerdian

Maiatzaren 10etik gose greban daude Frantziako Fresnes espetxean dauden euskal presoak, gizonak zehazki. Emakumeek ere borrokaldia hasi zuten, astelehenera arte isolamenduan izan ziren, nahita eraginda: horien artean Iratxe Sorzabal irundarra izan zen. Itziar Moreno espetxe horretan dagoen euskal presoa isolamenduan dagoelako hasi dute borrokaldia. Gose greban dauden gizonen artean Xabier Goienetxea oreretarra dago; haren herrian gaur ere bat egin dute borrokaldiarekin, egun osoko egitaraua biltzen ari den protestaldiarekin. Goizean propaganda egin eta hura banatu dute. Eguerdian, berriz, elkarretaratzea egin dute Xabier Olaskoaga plazaren atarian, Niessenen. Eta arratsaldeko ekitaldirik nagusiena izango da 18:30ean Herriko Plazatik aterako den giza kateak. Herriko hainbat eragiletako ordezkarik parte hartuko dute bertan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.