Emakumeen Etxea eskuratzeko hirugarren hausnarketa saioa
Emakumeen Etxea eskuratzeko hausnarketa egiten ari da Orereta. Larunbatean izango da hirugarren bilera.
Errenteria-Oreretak emakumeen etxea behar duen eta hala balitz zein ezaugarri bete beharko lituzkeen eztabaidatzen ari da Udala bertako herritarrekin, bereziki mugimendu feministarekin. Hurrengo bilera irekia urriaren 1ean izango da, larunbata.
Ekainaren 6an eta uztailaren 13an egin dira Emakumeen Etxearen beharrizanei buruz hitz egiteko lehen bi bilerak. 35 pertsona inguru bildu dira iritzia ematera. Dinamika desberdinen bitartez gaiak landu eta ondorio batzuetara iritsi dira: guztien erosotasunerako etxea behar luke, irekia eta anitza eta kolektiboak erakarriko dituena. Elkarrengandik ikasteko aukera emango duen espazio bat izan beharko lukeela gaineratu dute eta eskualdeko ikuspegia landuko duena. Hau da, eskualdeko emakumeentzat irekia egongo dena.
Hartzen diren erabakiak zein emandako urratsak webgune honetan zabalduko dituzte. Oraingoz, hurrengo deialdia, urriaren 1ean izango da, larunbata, Merkatuzarrean.
Urriak 1 – Errenteriako Emakumeen Etxea (Bilera)
10:30 – Beste herrialdeetako emakumeen etxeetako esperientziak kontatzera datoz: Donostia, Azpeitia eta Ondarroa.
11:30 – Hamaiketakoa.
11:45-14:00 – Lanketa: Esperientzietatik jasotakoarekin atera daitezkeen ikasgaiak.
Emakumeen Etxearen gaineko parte hartze prozesua uztailean
