Lizeoko haurren kantaldia bitartean plaza bete egiten da.
11:00etan hasiko da Donibanen San Tomas Feria, igandean. Ohi bezala, Santiago plazan kokatuko dute azoka, eta denetarik izango da aukeran; barazkiak, artisau lanak, ogia, goxoak, eztia, estetika naturaleko produktuak… kasu askotan, gainera, herrian bertan ekoiztutako gaiak izango dira salgai jarriko dituztenak.
Donibanen, feriaren unerik gorena 12:30ean iritsiko da. Txalapartarien doinuak sarrera emanda, ikastolako haurren kantaldia hasiko da, eta ordurako plaza gainezka egongo dela ia ziurra da.
Azoka, edonola ere, ez da haurren emanaldiarekin bukatuko. 13:00etan herriko dantza taldearen erakustaldia izango da, eta ordubete beranduago, azokari bukaera emateko, euskal produktuen zozketa.
Goizean zehar, nola ez, talo eta txistorra postuak ez dira faltako, eta mokadutxoa girotzeko trikitilariak ariko dira han eta hemen.
Donibaneko azoka Itsas Mendi elkarteak antolatzen du, Bixi-Bixi, Aiton-Amonen aterpea, Lizeoa, Iturgaitz Aulkiak, Albaola, eta udalaren laguntzarekin.
Partaideak:
- Joxan Kortadi: Ogia eta goxoak.
- Maridomingi: Eskulanak.
- Xatur Telletxea: Makilak.
- Arantza Sistiaga: ehoziri lanak.
- Asun Puy: Eskulanak.
- Aitor Zabala: eztia.
- Olatz Bravo: Eztia.
- Alazne: Euskal Jantziak.
- Aritzkurengo Tienduka: kosmetika naturala.
- Eneko Sein: abereak eta jakiak.
- Puzkazarreta baserria: Barazkiak.
- Gaztelutxo baserria: Barazkiak eta abereak.
- Txartiku: abereak.
