EH Bilduren zazpi alegazio pasarelaren proiektuari

Herrera eta Trintxerpe lotzeko bidearen proiektu teknikoak gabezi esanguratsuak ditu koalizio abertzalearen ustez.

olatz mitxelena

2017/02/14

EH Bilduren iritziz, pasarelak, Herrera eta Azkune arteko oinezko komunikazioa oztopatuko du, besteak beste.

Jendaurrean da Herrerako Euskotren geltokia eta Trintxerpe lotuko dituen pasabidearen proiektu teknikoa, eta EH Bilduk publikoki aurkeztu ditu aipatu egitasmoari aurkeztu dizkion alegazioak. Guztira, zazpi dira. Tartean dira pisu astuneko trafikoen betikotzea, hesi, oztopo arkitektoniko eta puntu ilun berrien sorrera, Herrera eta Azkuene arteko komunikazioa oztopatzea, arrapala luze eta jarraitu bat sortuta irisgarritasun irizpideak ez betetzea, edota oinezkoentzako arriskuak. Horiez gain, Izaskun Gomez alkateari ez dagozkion eskumenak beretzat hartzea leporatu diote alegazioetan, Udalbatzak 2011ko maiatzaren 18an kaiko Herreraren ordenaziorako onartutako irizpideak kontuan hartu gabe. EH Bilduren alegazioak eta grafika bidezko azalpena

Irudia: Pasaiako EH Bildu.

1.- Herritarrek adostu eta udalak onartutako hiri-antolamenduaren irizpideei muzin egiten die. 2.- Neguan kale iluna. 3.-Trafiko banaketarik ez: Portuko kamioiak hirigunetik. 4.- %20ko malda duen ezponda. 5.- %6ko malda deun pasabidea. Irisgarritasuna ez da bermatzen. 6.- Eremu hesitua. 7.- Jarduera eta xederik gabeko pabilioiak. 8.- Sarrera mugatzeko kontrola. 9.- Pantaila afektua egiten duen eremu garaia. 10.- Genero ikuspegitik puntu iluna.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.