Zirkua, antzerkia eta dantza, asteburuan Lezon

Lezon bada zer eginik asteburuan. Gezala auditorioak zirku ikuskizuna eta antzerkia jasoko ditu. Soinu Zahar Txapelketa eta Muxiko Festa ere daude.

Urko Etxebeste

Lezo

2017/04/26

Miren Tirapuk idatzitakoa eta antzeztutakoa da ‘Atte hil aurretik’ lana.

Lezoko Udalak urteko bigarren hiruhileko kultur programazioaren barruan, ekitaldi interesgarriak egingo dituzte asteburuan Lezon. Zirkua, antzerkia eta dantza izango dira nagusi. Ostiralean, 17:00etan eta Gezala Auditoriumean, Zirkun Zirko konpainiak Bidaibizitzen ikuskizuna emango du. Areto barruan, baina zirku itxurako ekitaldia da, txotxongilo, akrobazia eta zirku giroa oro har azaltzen dituena. Haurrentzako emanaldia da, doan. Larunbatean, dantza. Murixka Dantza Taldeak antolatuta, Soinu Zahar Txapelketa egingo dute Bekoerrota kiroldegian 14:00etatik 20:00ak arte. Gipuzkoako ligaxkaren azken kanporaketa izango da, eta bertan, 30etik gora dantzarik parte hartuko dute. Ligaxka horretan (A eta B sailak daude, adinaren arabera banatuak) lehen gelditzen direnek, maiatzaren 13an (Legazpin) Euskal Herriko Gazteen Neskatxena Txapelketan parte hartzeko eskubidea irabaziko dute. Lezoko eta Oarsoaldeko hainbat dantzarik parte hartuko dute bertan. Igandean, antzerkia. Nafarroako Beheko Larraine konpainia berriak Atte hil aurretik lana emango du, 20:00etan hasita, eta bost euroko sarrerarekin. Igandean ere, apirilak bost igande dituelako, Muxiko Festa egingo dute herrian, egun osoz. Hemen informazio gehiago.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.