Pasaiako Itsas Festibala aurkeztu dute

Datorren urteko maiatzean izango da

olatz mitxelena

2017/05/03

Erakundeetako arduradunak, Donibanen, Itsas Festibalaren aurkezpenean.

Bokazio kulturala eta turistikoa izango du eta itsas kulturarentzat erreferentea izan nahi du. Hala definitu dute gaur goizean aurkeztu duten I. Pasaiako Itsas Festibala. Donibanen aurkeztu dute, Bonantzako pasealekuan, eta aurreratu dutenez datorren urteko maiatzean izango da. Antolatzaileek esan dutenez, festibalak “Europan egiten diren eta arrakasta handia izan duten bestelako ekitaldien antzekotasuna du, eduki eta estilo aldetik”, eta Brest edo Morbihaneko jaialdiak aipatu dituzte adibidetzat. Aurreratu dutenez, “munduko hainbat txokotako itsas kulturetako erakunde eta ordezkariak erakarriko ditu” jaialdiak, eta Pasaia, jaialdia bitartean “Europako itsas ondarearen topagune” izango dela nabarmendu dute. Maiatzaren 17tik 21era Zehaztu dutenez, jaialdiak sei egun iraungo du, maiatzaren 17tik 21era, eta bi urtean behin antolatu nahi dutela aurreratu dute. Jaialdi bitartean mundu osoko itsasontziak eta bere tripulazioak elkartuko dira badiaren bueltan, eta jaialdiak irauten duen bitartean aktibitate egitarau zabala antolatuko dute, kanpotik etorritako zein bertakoentzat.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.