VI. Antxoberfest, inoizko freskoena

Dena prest dago Pasai Antxon garagardo festarako.

oarsoaldea

2017/05/10

Herritar boluntarioek ateratzen dute urtero aurrera garagardo azoka.

Iritsi da. VI. Antxoberfest bihar hasi (hilak 11) eta larunbatean bukatuko da (hilak 13). Urtero legez, antolatzaileek, garagardozale zorrotzenak asebetetzeko moduko eskaintza bilduko dute Gure Zumardiko karpan. Eta nola ez, garagardo festara biltzen diren herritarrak eta bisitariak girotzeko, paraleloan, festa egitarau zabala, guzti guztia Antxoko hamarnaka boluntariok eskuz esku aurrera aterata. Sanferminetarako dirua biltzeko antolatzen da urtero Antxoberfesta, eta aurten, antolatzaileek zehaztu dutenez, partida bat, danborradetarako kupelak erostera bideratuko dute. Aipatu, baita ere, Antxotarrak Histori Mintegia izango dela aurtengo garagardo festaren kofradea, eta azkenik, jakinarazi larunbaterako antolatu duten herri bazkariko tiketak salgai daudela Kamio eta Mimos tabernetan, 7 euroan. Garagardoak:

St. Bernardus Pater 6 (Dubbel Abadia. 6’7º). Abadiako garagardo belgikarra. Osagai gehienak gaztaina kolorekoak ditu eta malta txigortuaren zaporea da nagusi. Lupulu eta garraztasun arinekoa.
Hop Hunters (IPL de 7’5º). IPA estiloari haize freskoa emate aldera, 4 garagardotegik indarrak batu eta 6 malta desberdin eta 3 lupulu amerikar nahastea erabaki zuten. Emaitza Indian Pale Lager hau da: fruta-gustuko lurrinekoa eta garraztasun finekoa. Bidassoa Basque Brewery (Irún), Gross (Donostia), Drunken Bros Brewery (Getxo) eta La Quince Brewery (Madrid).
Naparbier Mad Clown (Extra Pale Ale. 5’7º). Lau lupulurekin egindako Extra Pale Ale bat. Lurrin jostagarri eta freskagarrikoa, malta ukitu leuna du, mikaztasun pittin batekin eta zitriko orekatuekin.
BBP Captain Norbert (Kölsch. 4’9º). Kölsch estilokoa (Kolonia hiri alemaniarra dagoen eskualdekoa). Urre kolorekoa, arina eta edateko oso erraza. Nabaria eta harrigarria da Alemaniako lupuluen ukitua.
BBP Imparable (IPA. 6’8º). Egungo IPA honenetako bat. Lupulua da nagusi garagardo honetan, mikaztasun eta fruta zapore izugarria eskainiz.
Hopus (Strong Ale.8’3º). VI. Antxoberfest hontako Stron Ale belgikar ‘horia‘. Irmoa, sendoa eta indartsua. Kolore horikoa, itzalia eta zapore orekatukoa.
Gulden Draak (Strong Ale 10’5º). Edizio honetako Stron Ale belgikar ilunena. Karamelu maltei esker kolore iluna eta zapore gozo eta txigortua du. Bigarren fermentaziorako ardo legamia erabiltzen da.
Kwak (Strong Ale 8’4º). Aurtengo Stron Ale belgikarren arteko ‘txigortua’. Nahiko sendoa, eta erraz edaten dena duen graduaziorako.
Malastrana (Pilsner txekiarra. 4º). Pilsner estiloko garagardo txekiarra. Arina eta edan erraza, urre kolorekoa eta zapore onekoa.
“Weihenstephaner Vitus” ( 7’7º). Weizenbock (garizko bock garagardoa) erako garagardoa, malta kopuru altuarekin.
“Weihenstephaner Hefeweissbier”. Gari garagardo arre eta horixka. 1516ko Purutasunaren legearen arabera, munduko garagardotegi zaharrenak egiten du garagardo hau.

Egitaraua Hilak 11, osteguna: 20:00: Gunearen irekiera. 20:15: Garagardoen aurkezpena 20:30: Alkarkide (Alkartasunako Dantzari Ohiak eta txaranga) 24:00: itxiera.

Hilak 12, ostirala: 20:00: Irekiera. 20:30: Orkestra Pasai. 22:00: Psicoacustic, Beatlesen trubutoa. (Psicoacustic) 23:30: Elbereth Taldea 00:30: La fabrika de boinas. Hilak 13, larunbata: 12:00: Irekiera. 12:15: Jaixkipe Txaranga. 13:00: American crazy cars eta motoen aurkezpena. 14:30: Herri bazkaria (paella-jatea). 17:00: Koloreak haur konpartsa. 18:00: Trumoikada eta American Crazy Cars Show! Nafarroa etorbidean. 20:00 Kofrdaeen aurkezpena. 20:15: Elektrotxufla. 24:00: Dj.Bull.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.