Kuba gertuagotik, elkartasun begirada

Kubari buruzko jardunaldiak antolatu ditu Bixi Bixi Kultur elkarteak

olatz mitxelena

2017/06/01

Herrien arteko elkartasuna sustatzeko helburuz, Euskal Herria-Kuba jardunaldiak antolatu ditu Bixi-Bixik.

Gora Herriak: Euskal Herri-Kuba izenburupean, Pasai Donibaneko Bixi Bixi elkarteak, Pasaiako Udalaren laguntzarekin, egitarau oparoa antolatu du gaur hasi eta hilaren 16ra bitartean. Tartean, erakusketa bat, hitzaldiak, ikastaroak eta amaiera jaialdia izango dira. Antolatzaileek nabarmendu dutenez, herrien arteko elkartasuna sustatzeko asmoz antolatutako jardunaldiak dira. Horrez gain, Pasaiak Kubako Mariel herriarekin duen senidetzaren testuinguruan kokatu dute egitaraua. Antolatzaileek iragarri dutenez, datozen urteetan ekimen honi jarraipena emateko borondatea dute. Udalak ekitaldietan parte hartzera deitu du. Egitaraua: Gaur (Hilak 1):

19:00: Dokumentala, Bixi-Bixi elkartearen egoitzan. El arma ideológica dela revolución cubana. 50 aniversario del Quinteto Rebelde.
Egilea: René Arencibia.
Aurkezlea: Fernando Nebreda.

Hilak 6 (Asteartea):

19:00: Hitzaldia, Bixi-Bixiren egoitzan. Kubaren iraultza. Balantzea eta perspektibak.
Hizlaria: Luismi Uharte, EHUko soziologia irakaslea.

Hilak 9 (ostirala):

19:00: Ikastaroa. Kubako janari eta edariak, Yaneldysen eskutik.

Hilak 13 (asteartea):

19:00. Dokumentala eta hitzaldia, Bixi-Bixiren egoitzan. Los deportados. La historia de tres ciudadanos vascos en Cuba.
Hizlariak: Maialen Barcena, Haizpea Abrisketa, Doni Azkarate eta Miren Azkarate, euskal deportatuen seme-alabak.

Hilak 16 (ostirala): Azken Jaia, Bixi-Bixi elkartean, kanpoko plazatxoan.

19:00: Saltsa ikastaroa.
20:00: Berta Pinoren kontzerta.
20:30: Ekitaldia, Kuba Euskal Herria.
21:30: Herri afari kubatarra. (Txartela ohiko tokietan).
23:00: Musika afrokubatarra.
00:00: DJ Bull. Euskal eta kubatar musika.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.