[Galeria eta bideoak] Batelera porturatzean festak zipriztindu du Donibane

Hasi dira sanjoanak, barrutiko txikienen eskutik

olatz mitxelena

2017/06/23

Arraunlariek ekarri dute batelera berria.

19:30ean eztanda egin du festen hasiera iragarri duen suziria Donibanen, eta ordurako jendez lepo zen Santiago plaza. Izan ere minutu batzuk lehenago lehorreratu du plazan Olatz izeneko batelera. Buruhandi berria itsasoz iritsi da plazara, traineruan, San Juango emakume arraunlariek bertaraino ekarrita. Plazan zain, Blas de Lezo, Mikelete eta Iñudea, eta baita gainontzeko buruhandiak ere, guztiak batelera berriari harrera beroa egiteko prest. Lehorreratzeko Xabier Arrarasen laguntza izan du Olatz (hala du izena batelerak), eta ondoren, udaletxe zaharraren balkoira igo da, herritarren txalo artean. Txupinazoan, haurrek eman diete hasiera sanjoanei, bertso kantari eta Juanba Berasategi gogoan. Itsas Mendik ere izan du tarte berezia jaien hasieran. Elkarteak 50. urteurrena duela gogoratu dute balkoitik, eta asteburuan kofradian elkartearen historia laburbiltzen duen argazki erakusketa zabalik izango dela iragarri. Gau magikoenaren erritmoan abiatu da gaur festa Donibanen, eta igandera bitartean luzatuko da jai egitaraua. Hemen egitaraua.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.