[Bideoa eta galeria] Aita Manuel, betirako

Aita Manuel, gaur nagusi. 1917ko irailaren 16an irabazi zuen haren lehen Kontxa patroi bezala. Gaur, egun hori gogoratu dute sanpedrotarrek.

Urko Etxebeste Petrirena

Pasaia

2017/09/16

Goizean Torreatzen egin duten antzerki historikoaren une bat.

Gaur bete dira 100 urte Manuel Arrillaga, Aita Manuelek, patroi bezala lehen Kontxa irabazi zuenetik San Pedrorekin. Aurretik beste hiru zituen irabaziak San Pedrok. Hori oroitzeko, eta Aita Manuel nor zen eta zer egin zuen zabaltzeko, III. Aita Manuel Eguna egiten ari dira San Pedron. Egitarauaren unerik gorenena Torreatzen izan da. Bertan, sanpedrotarrek bandera hura irabazi zutela nola jakin zuten ezagutarazteko, errepresentazioa egin dute hainbat herritarrek. Antzezkizun guztiaren bukaeran, oihu modura esandako esaldia: “Irabazi dugu!”. Aurretik, danborrada eta herritarrak Torreatzera joanak ziren antzerki bidezko azalpen historiko hori ezagutzera. Izan ere, danborrak herri osotik eman duen birak jakinarazi baitie gaur egun berezia zela San Pedron, Aita Manuelen Eguna. Handik erdigunera bueltan, arraunlariei ongietorria egin diete —euripean—, eta haiek, harro astindu dute 1917an irabazitako bandera alkateordetzako balkoian. Arraunlarien ekitaldiaren ondoren (aktoreak ziren), garai batean arraunlari izandakoek argazkia atera dute banderarekin. Ondoren, bazkariak eta musika nagusi. Egunbeteko festa dute San Pedron, Aita Manuel, betirako gogoan izango dute sanpedrotarrek. Beheko bideoa eta irudiak, goizak eman duenaren adibide grafikoa dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.