Elkarteen Eguna ospatuko dute Antxon urriaren zazpian

Pasaiako Elkarteen Eguna ospatuko dute zortzigarren urtez. Elkarteek gazteekin egindako lana eskertzeko ekimenean hainbat tailer, jolas eta kirol jarduera antolatuko dituzte Ibaiondo frontoian.

Hegoi Belategi

Pasaia

2017/09/28

Elkarteen Eguna ospatuko dute zortzigarren aldiz

Pasaiako elkarteek, Udalaren laguntzarekin Elkarteen Eguna ospatuko zortzigarren urtez. Antxon egingo dute, urriaren zazpian. Haur eta nerabeekin lan egiten duten, zortzi elkartek hartuko dute parte, 2017ko Elkarteen Egunean. Elkarte hauek burututako lana eskertzeko modua da ekimena, izan ere, Pasaiako Haur eta Nerabeen Eskubideak Bermatzeko Planaren oinarrietako bat, elkarteekin batera lan egitea da. Jai giroa nagusi izan dadin, hainbat tailer, jolas eta kirol jarduera antolatuko dituzte Antxon. Tartean arrauna, bizikletaz egin beharreko ginkana edota familientzako triatloia. Jaialdia arratsaldeko bostetan hasiko da eta ekintza guztiak Ibaiondo frontoian, zein kanpoko zelaian egingo dira. Elkarteen Egunari amaiera ona emateko, merienda banatuko dute bertaratzen direnen artean. Iaz 150 bat haur eta 50 begirale inguru bildu ziren, aurten kopuru berdina ala handiagoa izatea espero dute antolatzaileek.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.