Bertako produktuak, goxoago

Landalur azokan bertako produktuak erosi eta dastatzeko aukera izango dute bertaratzen direnek.

Landalurraren azoka antolatu dute larunbatean hamahirugarrenez Errenteria-Oreretan. Bertako produktuak ikusi, erosi eta dastatzeko aukera izango da, Behemendi elkartea eta udalaren eskutik. Errenteria-Oreretako lehen sektoreko eragileen azoka da Landalur, eta helburua, berriz, lehen sektoreko enpresak ezagutu eta horiek egiten duten lanaren aitortza egitea da.

Egun osokoa izango da azoka. Goizez, 10:00etatik 14:00etara izango da zabalik eta arratsaldez, berriz, 16:30etik 19:30era. Txalapartak zabalduko du azoka Zumardian.Baserriko produktuen salmenta eta  Abere erakusketa izango dira. Egiluze Sagardotegiak, berriz, sagardoa egiteko prozesua erakutsiko die bertaratzen direnei, eta prozesua hitzez jantziko dute Xenpelar Bertso Eskolako bertsolariek.

Aho gozagarrien txanda helduko da ondoren. Errenteria-Oreretan ekoiztutako kalitatezko produktuen dastaketa egingo dute: Barin baserriko luma gorri oilasko haragia, taloak, Egiluzeko sagardoa, eta Eguzki Borda baserriko Idiazabal Jatorri Izena duen gazta dastatzeko aukera izango da . Hitzaldiek ere izango dute tartea, Azabaratza Oreretako Kontsumo Taldearen eskutik eta sukaldaritza tailerrean bertako produktuekin otordu goxo eta osasuntsuak prestatzen erakutsiko dute.

Txikienek ere iango du tartea. Haientzat landaketa eta lore prentsatu tailerra izango da 11:00etatik 13:00etara.

Erakusketak

16:30ean zabalduko dute berriz ere azoka. Goizez zein arratsaldez perretxiko eta Erlezaintza eta liztor beltza erakusketak zabalik izango dira Zumardian. Arratsaldean, haurrak izango dira protagonistak, OarsoIrriak eta Labore Oarsok prestatutako tailerrei esker, eta Basasoro baserriko eguneko esnearekin prestatutako txokolate janari esker.

Antolatzaileek herritar guztiak deitu dituzte parte hartzera, eta bertakoaren aldeko apustua egitera.

Ez dago ekarpenik

Egin iruzkin bat

*

*


*

Hitza gurea da

 

 

Albiste irakurrienak

Send this to friend