[Bideoak eta galeria] Amaia Agirregabiria Martuteneko espetxean da

Jendetzak erantzun zion atzo Amaia Agirregabiria eta Iker Rokandioren aldeko "kariño ginkana"-ri, eta Antxoko zumardia, maitasunez gainezka izan zen.

olatz mitxelena

Pasaia

2017/11/20

Jendetza bildu zen Antxoko Gure Zumardian

Gaur arratsaldeko lehen orduan espetxeratu dute Pasaiako alkate ohia Martutenen eta berehala zabaldu da bere fecebook orriaren bidez eskerrak emateko bideoa. Amaia Agirregabiriak babesa, maitasuna eta elkartasuna eskertu ditu: “Indartsu gaude, indartsu goaz, eta indartsu itzuliko gara”, adierazi du Agirregabiriak agurtzeko bideoan. Babes zabala Atzo egi zuten Rokandio eta Agirregabiria agurtzeko ekitaldia, Pasai Antxon. Sinadura bilketa, elkartasun mezuak, diru ekarpenak, fothocall-a, herritarrek dantzatutako agurra, bertsoak… maitasunez bete zirkuitua antolatu zuten “kariño ginkana“-n. Hamarnaka lagunek erantzun zioten deialdiari, Pasaiako alkate eta abokatu ohiei espetxera sartu aurretik elkartasuna adierazteko asmoz. “Nik ere egingo nuke; ez da bidezkoa; animo; zuekin gaude, ez galdu irribarrea, maite zaituztegu…” antzeko hamaika mezu irakur zitezkeen arkupetako muralean, guztiak herrikide eta lagunek idatziak, eta haien guztien kopia bana eman zieten gerora Agirregabiria eta Rokandiori. Izan ere, horixe baitzen atzoko deialdiaren helburua, espetxean sartzeko atarian biei elkartasuna adieraztea. Ginkana bukatuta ekitaldia ere egin zen, eta Amaia eta Ikerri babesa emateko antolatutako taldearen izenean hitz egin zutenek, bidegabekeria salatu eta hirugarren gradua eskatu zuten Agirregabiria eta Rokandiorentzat. Agirregabiriak eta Rokandiok ere hartu zuten hitza, herritarrek eskainitako zapi gorriak lepoan, eta beren alde egindako lana eta erakutsitako babesa eskertu zuten. Ikus, hemen, Amaia eta Ikerren aldeko lantaldeak zabaldutako elkartasun mezu eta argazki galeriak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.