Hamalau emakume sortzaileen lana biltzen duen erakusketa kolektiboa inauguratuko dute bihar (hilak 24) Paco Rabanne espazioan, Trintxerpeko Ziriza etxean.
Arantxa Diez da erakusketan beren sormen lanak erakutsiko dituzten hamalau artistetako bat.
Iragana eta oraina ehundu nahi duten hamalau emakume sortzaileen lanak biltzen duen erakusketa kolektiboa inauguratuko dute bihar (hilak 24) Trintxerpeko Ziriza etxean, Paco Rabanne espazioaren barruan. 19:00etan da zabaltze ekitaldia, eta ospakizun gisa Garazi Pascual Esnaola dantzariak emanaldia eskainiko du.
Gaur aurkeztu dute erakusketa, Zirizan bertan, eta han izan dira, erakusketaren komisarioa Kris Meraki eta Arantxa Diez. Ondoan izan dituzte Paco Rabanne espazioaren arduradun Jone Aranzabal, Kike Santiago eta Juanje Neira.
Kris Merakik azaldu duenez, beren erakusketak hariaren erabilera aldarrikatu nahi du. Ehungintza historian zehar emakumearekin lotuta egon den heinean ez dela nahiko aitortua izan defenditu du Merakik, eta zor hori kitatzera heldu da Ehun Ehun kolektiboa. Erakusketan sormen lan tradizionalak eta garaikideak uztartu dituztela iragarri du.
1.500 bisitari
‘Haria Galtzen’ erakusketaren inaugurazioa, Zirizan.
Erakusketaren inaugurazioan, Illunbe elkarteak Paco Rabanne espazioaren orain arteko balantzea egin zuen. Elkarteko arduradunek jakinarazi zutenez, zabalduz geroztik 1.500 lagunek bisitatu dute erakusketa, eta datozen hilabeteetan talde bisita dezente hitzartuta dituztela iragarri zuten.
Arrakasta ikusita, udalarekin harremanetan ari direla jakinarazi dute, urtea bukatu ondoren espazioa eta bertako erakusketa zabalik mantendu ahal izateko.
Ehun Ehun Kolektiboko sortzaileak
- Arantza Diez
- Carmen Sola
- Idoia Cuesta
- Karmen Esnaola
- Kris Meraki.
- Lola Altolagirre.
- Lucia Sanchez.
- Maria Zubizarreta.
- Mia Rissanen.
- Mireia Segura.
- Olga Uribe.
- Yolanda Sanchez.
- Eva Franco.
