Laguntasuna Gabierrotako Auzo Elkarteak berrogeita hamar urte beteko ditu, eta urteurren borobila merezi moduan ospatuko dute.
Laguntasuna Auzo Elkarteko kideak.
Laguntasuna Gabierrotako Auzo Elkarteak berrogeita hamar urte beteko ditu, eta urteurren borobila merezi moduan ospatuko dute. Apirilerako antolatu dute egitaraua, eta Txema Arenzana errenteriarrak idatzitako
AAV Laguntasuna (1968-2018) Gabierrota 50 años de lucha liburua aurkeztuko dute ekitaldiei hasiera emateko. Apirilaren 5ean izango da hori 19:00etan Xenpelar Etxean, eta elkartearen historia 300 argazkietan laburbiltzen duen DVD aterako dute argitara. Emanaldiekin, argazki erakusketa, danborrada, omenaldia eta auzo bazkariarekin osatuko du Laguntasunak egitaraua.
Gabierrotan bizi eta handik beste auzoetara edota herritik kanpora bizitzera joan direnei dei berezia egin die Laguntasunak antolatutako ekintzetan parte har dezaten: “Bere momentuan auzoa hobetzeko, eta zituen arazoei konponbidea emateko inplikatu ziren haiek 50. urteurrenaren harira antolatutako ekintzetara gonbidatu nahi ditugu”.
Ibaia garbitzen hasita, auzo elkarte bihurtu
Oiartzun ibaiaren eskuinaldea garbitzeko elkartu ziren duela 50 urte Gabierrotako hainbat bizilagun, bertan bildutako zaborra kendu eta txukuntzeko. Antolatzeko beharra ikusi zuten, auzoa hobetzeko, zituen arazoei erantzuna emateko, eta horrela sortu zen auzo elkartea. Auzo horretako Lasa Etxeek 60 urte beteko dituzte, auzoak berak bezala. Auzotarrak azkar hasi ziren antolatzen, frankismoa garaia izanik, erraza ez bazen ere.
Egitaraua
- Apirilak 5, osteguna: AAV Laguntasuna (1968-2018) Gabierrota 50 años de lucha liburuaren aurkezpena Xenpelar Etxean, 19:00etan.
- Apirilak 7, larunbata: Gabierrota ko Emakume Taldearen emanaldia Evaristo Bozas plazan, 13:00etan.
- Apirilak 8, igandea: 09:00: Txistulariak; 11:00: Meza hildakoen alde erresidentziako kaperan; 12:00: Argazki erakusketa jubilatuen egoitzan; 12:00: Gabierrotako danborrada auzoko kaleetan barrena; 13:00: Auzo elkarteko lehendakariei omenaldia txistulari eta dantzariekin; 14:15: Auzo bazkaria gizarte zentroan musika eta dantzaldiarekin.
