Gipuzkoako Herriarteko Txapelketan izango da Errenteria

Hiru taldek ordezkatuko dute udalerria txapelketan, eskuzkoak, paleta-pala motzekoak, eta larruzko paletako taldeak.

2018/03/20

Oihan Etxeberria EPLEko Kimu Mailako pilotaria. Argazkia: Gipuzkoako Pilota Federazioa.

Gipuzkoako Herriarteko Txapelketan parte hartuko du Errenteriak, aste honetan bertan izen ematea egin ondoren. Hiru taldek ordezkatuko dute udalerria txapelketan, eskuzkoak, paleta-pala motzekoak, eta larruzko paletako taldeak. Azken horrek lehen aldiz izango du lekua txapelketan. Paleta-pala motzean parte hartzen duen 28. aldia izango du honakoa Errenteriak, 1991an lehen aldiz parte hartu zuenetik; eskuzkoan 11. aldia izango du (2011z geroztik zortzigarrena jarraian). Aurtengo txapelketa kontuan hartuta, Errenteriak 40. aldiz hartuko du parte herriartekoan. Horietan guztietan, berriz, bost txapelketa irabazi ditu jarraian 1991 eta 1995 urteen artean, eta bitan izan da txapeldunorde, 1996an eta 2010ean. Garaipen horiek guztiak, pala modalitatean irabazi ditu. Kimu eta Haur kategorietako finalak Euskal Ligan EPLEko pilotariek izan duten errendimenduaz gain, txikienak ere maila altua erakusten ari dira. Gipuzkoako Eskuz Binakako txapelketaren finalak jokatuko dira datorren ostiralean Astigarragan, 19:00etan hasita. Kimuek jokatuko dute lehenik, EPLEko Lizarazu eta Etxeberria Ordiziako Txapagain 1eko pilotarien kontra arituko dira; haurren txanda helduko da gero Goikoetxea eta Laboak finala jokatuko dute Mundarroko pilotarien kontra.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.