Udaberrian antzerkia nagusi Lezon, 'Ergela'-tik, Orratxen bi hamarkadetara

Antzerkia izango da Lezoko kultur agendaren barruko kultur adierazpide nagusia udaberrian zehar. Heldu nahiz haur, denentzako eskaintza zabala da.

Urko Etxebeste

Lezo

2018/04/10

Orratx! antzerki taldeko kideak Gezala kanpoaldean.

Udaberriko kultur programazioaren berri eman du udalak. Ezaugarri nagusi bat du hamahiru jardueraz osatutako egutegiak: antzerkia. Izan ere, ekitaldi horietatik gehienak antzerkikoak izango dira. Antzezlanen artean, haurrentzat eta helduentzat eskaintza. Asteburu honetatik bertan. Izan ere, ostiralean Xalto eta Xuplente taldekoek ostiralean emango dutelako saioa, igandeko Tzitzina Teatroren La zanja zirraragarriaren aurretik. Hilaren 22an Ergela-ren txanda izango da, eta ekainean, eguraldi onarekin eta Markesanen, Orratx Antzerki Taldearen 20 urteak ospatzeko Gau festa; a ze gaua! Jarraian, xehetasunez, udalak udaberrirako antolatu dituenen zerrenda. Apirila

Hilak 13, ostirala. 17:30ean, Gezalan. Xalto ta Xuplente taldearen Pupurri pupurri lana. Doan.
Hilak 15, igandea. 20:00etan, Gezalan, Tzitzina Teatroren La zanja. Zortzi euro.
Hilak 22, igandea. 20:00etan, Gezalan, Txalo Produkzioak taldearen Ergela. Zortzi euro.
Hilak 25, asteazkena. Euskarazko literatura taldeko kideek solasaldia egingo dute, Alaine Agirreren Odol mamituak lanarekin. 18:30ean bilduko dira, liburutegian.
Hilak 27, ostirala. 17:30ean, haurrentzako antzerkia Gezalan: Zu eta ni sudurluze bi. Doan da.
Hilak 29, igandea. Murixkak antolatuta, Dantzari Txiki Eguneko ekitaldiak (11:30ean hasiko dira) herritik zehar.

Maiatza

Maiatzak 6, igandea. 20:00etan, Gezalan, Dudas razonables antzerkia eskainiko du Banarte Antzerki Taldeak. Bost euro.
Maiatzak 11, ostirala. 17:30ean, Gezalan, haurrentzako saioa Etxean goxo ikuskizunarekin. Doan.
Maiatzak 13, igandea. 20:00etan, Gezalan, Marie de Jonghen eskutik, Izar antzezlana. Helduek 8 euro, haurrek 3.
Maiatzak 29, asteartea. P.G. Wodehouse-ren ¡Gracias, Jeeves! liburuari buruzko literatur solasaldia liburutegian. 18:30ean hasiko da.

Ekaina

Ekainak 2, ostirala. 16:30etik 18:00etara, Gezalan, Gartxot animaziozko filmaren emanaldia; 18:15ean, Asisko Urmeneta zuzendariarekin marrazki bidezko solasaldia.
Ekainak 9, larunbata. 22:00etan, Markesanen. Orratx Antzerki Taldearen kale ikuskizuna Markesanen, Gau festa izenekoa. Taldearen 20. urteurrena ospatzeko emanaldia da. Doan.
Ekainak 15, ostirala. 17:30ean, Gezalan, Orratx Ttiki taldearen eskutik Bagatelaren armak saioa, doan.

Udazkenean, ia dena sarrerarekin Lezoko Udalak iragarri du udazkenetik aurrera egingo diren kultur ekitaldi ia denetan sarrera ordaindu beharko dela. Orain arte, helduei begirakoetan (aretokoetan) sarrera ezarrita egoten zen, eta aldaketa da irailetik aurrerako emanaldietan haurren jardueretarako ere tiketa erosi beharko dela. Haurren emanaldien sarrerak bi eurokoak izango dira, baina hamar euroko bonoak erosiz gero, hamar emankizunetarako sarbidea izango dute hala nahi dutenek. Neurri horren arrazoia da, udalak zehaztu duenez, haurrekin batera saioetara joaten diren gurasoek haurrak bakarrik uztea ekitaldietan, kanpora joan daitezela gurasoak. Horrela, haurren parte hartzea areagotu eta haur guztiei sarrera eskubidea bermatuko litzaieke. Izan ere, maiz, haurrak ekitaldi horietatik kanpo geratu izan dira gurasoek eserlekuak hartu dituztelako.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.