Ainhoa Intxaurrandieta: "Argi geratu da guk ez geniola GHKri kalterik eragin"
Etxera bueltan dira auzipetuak; Intxaurrandieta Lezon 19:30ean egingo duten elkarretaratzean izango da, eta epaiketaren balorazioa egingo du.
Etxera bueltan dira Ainhoa Intxaurrandieta eta Iñaki Errazkin. Gaur goizean epaitu dituzte, Madrilen, Espainiako Kontuen Auzitegian, eta ondorioen aurkezpena egiteko saioa noiz egingo den ezagutzeke, gogotsu hartu dute itzulerako bidea.
Epaiketa “ondo” joan dela iritzi dio Intxaurrandietak: “Guk instituzioaren interesak defendatu egin genituela frogatu dugu, ez genuela beste aukerarik”, adierazi du. “Argi geratu da ez geniola kalterik eragin GHKri”, eta lanak etenda “kalte handi bat saihestu egin genuela”.
Epaiketa guztiz bukatu ez den arren, Intxaurrandietal eta Errazkinek ez dute Madrilera itzuli beharko, ondorioen aurkezpenera abokatuak joan behar dutelako soilik.
Intxaurrandieta Lezon 19:30ean egingo den elkarretaratzean egongo da eta epaiketaren balorazioa egingo du.
Pasaian 20:00etan da elkarretaratzea, Antxoko Gure Zumardian, eta ordu berean egingo dute kazolakada Oiartzunen, Doneztebe plazan.
