Emakumeen Traineru Elkartearen partaide emakumeen traineruak dauzkaten Euskal Herriko taldeak dira. Maika Tameron oreretarra da elkartearen presidentea.
ETE osatzen duten kluben ordezkariak.
Emakumeen Traineruen Elkartea (ETE) sortu dute, ofizialki, maiatzean. Emakumeen traineru lehiaketak arautzearen beharrak sorrarazi du elkartea, emakumeek arraunean ere ahots propioa izan dezaten, eta emakumeen lehiaketek “baliabide duinak” behar dituztelako. Hala, emakumeen traineruak dauzkaten Euskal Herriko eta Kantabriako klubak ados jarri dira ETE osatzeko, eta jada lanean ari dira. Galiziakoek liga propioa izango dute.
ETEk jakinarazi duenez, emakumeen traineruen lehiak bi ligatan banatuko dira. EuskoTren Ligak aurreko urteetako formatu berbera mantenduko du —lau trainerurekin—, eta TKEk antolatutako hainbat estropadarekin batera egingo dute arraun. Bertan izateko sailkapen estropadak hilaren 30ean eta uztailaren 1ean jokatuko dituzte Sestaon eta Zierbenan hurrenez hurren. EuskoTrenen dabiltzanek, sailkapen estropadez gain, beste 12 lehia izango dituzte.
EuskoTrenen sartzen ez diren traineruek KAEren laguntzarekin antolaturiko liga batean hartuko dute parte. Estropada gehienek KAE1ekoekin egingo dute bat, baina izango da baten bat KAE2koren batekin kointzidituko duena: orotara, liga horretan bi estropada ez puntuagarri, 12 puntuagarri, eta play off-etako beste bi izango dira
Ligak bukatzean, gizonetan gertatzen den bezala, 2019 sasoirako sailkatze estropadak egingo dituzte. Hau da, EuskoTren Ligan edo ETEren ligan nor arituko den erabakiko da.
ETEren lehen lehendakaria oreretarra da, Maika Tameron Hibaika Arraun Elkarteko kidea.
Honakoak dira ETEren barruan dauden klubak:
- CR Colindres
- Deustu Arraun Taldea
- Donostia Arraun Lagunak
- Hernaniko Arraun Elkartea
- Hibaika Arraun Elkartea
- Hondarribia Arraun Elkartea
- Kaiarriba Arraun Elkartea
- Kaiku Arraun Elkartea
- Lapurdi Arraun Taldea
- Lea-Artibai
- Pasai Donibane Koxtape Arraun Elkartea.
- Tolosaldea Arraun Kluba
- Orio Arraun Elkartea
Honakoak, ETEren Ligan izango diren estropadak (EuskoTren Ligara sailkatzen ez diren traineruek parte hartuko dute).
- Ekainaren 17an Portugaleten (ez puntuagarria).
- Ekainaren 23an Donibane Lohizunen (ez puntuagarria).
- Uztailaren 8an Donostian.
- Uztailaren 15ean Camargon.
- Uztailaren 21ean Orion.
- Uztailaren 22an (arratsaldez) Hibaikaren estropada San Pedron.
- Uztailaren 28an Lekeition.
- Abuztuaren 4an Pasaian.
- Abuztuaren 11n Hondarribian.
- Abuztuaren 12an Ondarroan.
- Abuztuaren 15ean Plentzian.
- Abuztuaren 18an Donostian (Urumean).
- Abuztuaren 19an Deustun.
- Abuztuaren 25ean Colindresen.
- Irailaren 15ean Bermeon (play off-aren lehen eguna).
- Irailaren 16an Portugaleten (play off-aren bigarren eguna).
Honakoak EuskoTren Ligaren barruan izango diren estropadak (emakumeen lau traineru izango dira).
- Ekainaren 30ean Sestaon.
- Uztailaren 1ean Zierbenan.
- Uztailaren 7 eta 8an A Coruñan.
- Uztailaren 14an Donostian.
- Uztailaren 15ean Castro Urdialesen.
- Uztailaren 21ean Pasai Donibanen.
- Uztailaren 22an Orion.
- Uztailaren 28an Getxon.
- Uztailaren 29an Santurtzin.
- Abuztuaren 11n Ondarroan.
- Abuztuaren 12an Hondarribian.
- Abuztuaren 18 eta 19an Zarautzen.
