Ulia inguruko bizilagunak dira, 27 kolektibotan bilduta; poza agertu dute Pasaiako eta Donostiako udalek beren mozioa babestu dutelako.
Elkarte sinatzaileen ordezkarietako batzuk, Uliara egindako azken irteeran.
Ulia inguruko bizilagunak dira, 27 kolektibotan bilduta. Mendiaren erabilera ahalik eta azkarren arautzea nahi dute, eta helburu horrekin
mozioak aurkeztu dituzte Donostiako eta Pasaiako udaletan. Bi udaletan onartu dituzte mozioak, bizilagunen kezkak eta aldarriak bere eginez, eta horregatik, poza agertu dute mozioaren bultzatzaileek.
“Albiste ona da Donostiako eta Pasaiako udalek Uliaren kudeaketa plana idatzi eta bultzatzeko konpromisoa hartu izana udalbatzarretan, bi udalerrien artean zehazteko baimendutako erabilerak eta debekatutakoak”, adierazi dute. Planaren tramitazioa ahalik eta azkarrek bukatzeko eskatu diete bi udalei, “inguru naturala eta herritarren erabilerak kontuan hartuta”.
“Ulia hiri-parke segurua” izan dadila aldarrikatzen dute, eta zentzu horretan Ulian ehizak ez duela tokirik uste dute. Horregatik Aldundiari Uliako Parkea segurtasun eremu izendatzea eskatu diote, gaur gaurkoz etxebizitzetatik gertuegi ehizatzen dela defendatuz, eta ehiza, arriskutsua izanik, kirol eta aisialdi jarduerekin bateragarri ez dela berretsiz.
Sinatzaileak:
- Herri Ametsa Ikastola
- San Luis De La Salle Ikastetxea
- Itsas Mendi mendi elkartea.
- Fortuna mendi elkartea.
- Montañeros del Antiguo.
- Trintxer Mendi Taldea.
- Nordic Walking Donostia elkartea.
- Mendizaleak Herrera.
- Itsastarrak Mendi Taldea.
- Club Vasco Camping.
- Klub Atletico Trintxerpe.
- Pasaia Kayak.
- Donostia Kayak.
- Uliako bizilagunen elkartea.
- Jaizkibel Amaharri .
- Seo Donostia
- Eguzki Talde Antinuklear eta ekologista.
- Ugatza ornitologo taldea.
- Itsas enara ornitologo taldea.
- Haritzalde natur elkartea.
- Ekologistak martxan.
- Done Jakue Bidearen Gipuzkoako Lagunen Elkartea.
- Uliako Lore Baratzak
- Uliako Lagunak.
- Katubihotz.
- Boj elkartea.
- Kalapie Txirrindularien elkartea .
