Elkarteen Eguna Trintxerpen ospatuko dute

Hilaren 15ean izango da festa, arratsaldez

olatz mitxelena

2018/09/06

Iazko Elkarteen Egunean parte hartu zutenen talde argazkia, Pasai Antxon.

Pasaiako elkarteak urtero elkartzen dira beren eguna ospatzeko, eta aurten ere hala egitea erabaki dute. Trintxerpen izango da IX. Elkarteen Eguna, hilaren 15ean, eta arratsaldean haur eta nerabeentzako hamaika jarduera jostagarri izango dira aukeran. Izan ere, ospakizun honekin haurrei euskaraz gozatzeko aukera eskaini nahi zaie, jolastuz eta elkarteek urtean zehar eskaintzen dituzte jarduerak ezagutzera emanez. Antolatzaileek jakinarazi dutenez, iaz, 150 haur eta nerabe elkartu ziren festan, eta haiekin 50 begirale aritu ziren lanean. Aurten beste horrenbeste izaten espero dute. Aurten zortzi elkartek parte hartuko dute parte antolakuntzan. Haur eta nerabeekin lan egiten duten elkarteek paper funtsezkoa betetzen dute hauen eskubide eta betebeharrak bermatze aldera, eta Pasaiako Udalak horretaz jakitun, eskertu egin nahi die egiten duten lana. “Eskertzekoa da haiek egiten ari diren lana eta, era berean, eskerrak ematekoa da nola bildu diren zeregin honetara”, esan dute. Egitaraua:

Gudarien plazan: 4-7 urte arteko haurrentzako gunea: tailerrak eta triatloia.
Portuan: 8-12 urte arteko nerabeentzako gunea. Hockeya, futbola eta bizikleta ginkana.

Amaieran, askaria. 2018 elkarteen eguna(III)

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.