Guatemalako hizkuntza gutxituetako hiztun diren hiru aktibista izango dira Mikelazulon asteazkenean (hilak 24)
![](http://oarsoaldea.hitza.eus/site/files/2018/10/9-bisitak_Berria.jpg)
Ikastaroa egiten ari diren hizkuntz gutxituetako hiztunak BERRIAn bisitan. Argazkia: Garabide
Garabide Elkarteak bi urtetik behin antolatzen du Hizkuntza Biziberritzeko Estrategiak Aditu Ikastaroa, hizkuntza gutxituen biziberritze prozesuak bultzatzeko unibertsitate formazioa. Horren barruan, hizkuntza gutxituen hiztun diren hogei indigena ari dira Euskal herrian ikastaroa egiten irailetik abendura arte, eta asteazkenean, horietatik hiru, Errenteria-Oreretako Mikelazulo Kultura Elkartean arituko dira beren esperientzia partekatzen.
Izan ere, ikastaroan parte hartzen ari diren hogei lagunak, klaseak jasotzeaz gain, euskalgintzako eragileekin bisitak egin, eta herrietan barrena bira egiten ari dira.
Errenteria-Oreretan Guatemalako hiru aktibista izango dira: Levi Carmelina, kaqchikel hiztuna; Salome Huinac, kiche hiztuna eta Iris Esmeralda Ac qeqchi hiztuna. Hizkuntza gutxituez arituko dira, baina baita emakume gisa ahalduntzeko hizkuntza aktibismoak izan duen eraginaz ere. Garabide elkarteko Maider Sasietak hartuko du parte solasaldian, eta bertaratzen direnek galderak egin