Pasai Donibane Koxtape Arraun Elkarteak batzarrera deitu ditu bazkideak. Bertako gai nagusia emakume arraunlarien gaia izango da.
![donibane.gizartekirolkulturegoitza](http://oarsoaldea.hitza.eus/site/files/2018/11/donibane.gizartekirolkulturegoitza.png)
Arraun elkartearen egoitzan egingo dute batzarra.
Bateleren joateak klubean eragindako krisiari erantzuteko Pasai Donibane Koxtape Arraun Elkarteak bazkideen ezohiko batzarra egingo zuela iragarri zuen. Batzar horrek badu eguna eta ordua: hilaren 30ean (ostirala) 19:00etan lehen deialdian eta 19:30ean bigarrenean. Taldeak Donibaneko Bizkaia plazan duen egoitzan egingo dute batzarra.
Arraun elkartearen zuzendaritza batzordeak batzar horretarako hiru puntu adostu ditu gaien zerrendarako. Honakoak dira, hitzez hitz:
- Emakumezko seniorrren denboraldiaren laburpena eta El Diario Vasco-ri sei arraunlarik 2018ko azaroaren 12an emandako elkarrizketaren ondorioz sortutako egoeraren azalpena.
- Galdera eta iradokizunak.
- Zuzendaritza Batzordearen berrespena.
Lotura duten albisteak