Irun Zuzenean ekimenak Redd Kross Kaliforniako taldearen emanaldia antolatu du asteazkenerako, abenduaren 5erako. Researching the blues taldearen azken diskoa aurkeztuko dute Ficobako auditoriumean, 21:00etatik aurrera. Ken Stringfellow estatubatuarra eta Amodioa talde irundarra ere ariko dira agertokian. Orain dela 34 urte eratu zela Kaliforniako Redd Kross eta Black Flag taldearen kontzertu batean hasierako gonbidatu gisa jotzen hasi zen, bigarren hezkuntzako graduazio jai batean izandako emanaldian zehazki. Ken Stringfellow musikariari dagokionez, Hollywoodetik (Kalifornia) iritsiko da Irungo erakustazokara. Talde ugaritan aritu da estatubatuarra, ezagunenak R.E.M. eta The Posies direlarik. Kontzerturako sarrerak Bloody Mary musika dendan edota Ticketmasterren weborrian eskura daitezke, 25 euroan. Bihar eguerdira arteko eskaintza berezia ere kaleratu du ekimenak eta lau sarrera batera erosiz gero, 18 euroko prezioan lor daitezke.
Errenteria-Oreretako langabeek euskara ikasteko aukera aparta daukate herriko euskaltegietan. Izan ere, Oreretako Langabeen Batzarraren proposamena aintzat hartu du udalak, eta urtarrila eta martxora bitartean ikastaro trinko bat eskainiko du dohainik langabeentzat. Izena emateko epea abenduaren 14an bukatuko da eta udal euskaltegi zein Xenpelar AEK euskaltegian egin ahal izango da. Langabeek zenbait baldintza bete beharko dituzte ikastaroa doan jasotzeko: Errenteria-Oreretan erroldatuta egotea, langabeak direla frogatzen duen Lanbideren egiaztagiria, eta asistentzia konpromisoa. Gutxienez, eskolen %85etara joan beharko da, eta ez dute onartuko arrazoitu gabeko bajarik. Horietako baldintzaren bat urratuz gero, doan jasotzeko aukera galduko dute. Bestetik, hamar laguneko taldea osatu beharko da eskolak aurrera ateratzeko, eta ikasle guztiek euskara maila berdintsua eduki beharko dute. Euskara ikasle langabeak Langabeen batzordearen proposamenetik abiatuta, udalak udazkenerako ere martxan jarri zuen langabeentzako euskara ikastaroa, baina Irune Balentziagak Kultura zinegotziak azaldu duenez, ezin izan diete dohainik eskaini, ordenantza fiskalek oztopatzen zizkielako. Hala ere, hainbat aldaketa egitea lortu dute, eta ikastaro horietan parte hartu duten gehienei ordaindutakoaren %100 bueltatu zaiela gaineratu du. Urtarrileko ikastarorako ez dira ordenantzak oztopo izango, eta baldintzak betez gero, ikastaroak doakoak izango dira. Ane Arretxe udal euskaltegiko arduradunak jakinarazi duenez, hamahiru ikasle ari dira parte hartzen eskola horietan, eta abenduaren 20an bukatuko dituzte. Idoia [...]
Errenteriako Ingurumen Departamendua asteartean Udalbatzak Alkateen Itunarekin bat egiteko hartutako erabakiarekin pozik agertu da. Klima aldaketa eta energia arloan Europako Batasunak sustatuko ekimena da, eta energia iraunkorreko politikak aurkeztera...
Sailkapeneko azkenaurreko postuan dago Hirugarren Mailako Saskilagunak taldean. Asteburu honetako jardunaldian ere, taulan gora egiteko borrokan jarraituko du. Tecnun izango du aurrean, bihar 18:00etan, Donostiako Tecnun-en. Talde gogorra da Tecnun, et...
Bihar Hiesaren kontrako Nazioarteko Eguna da, eta horren harira, Pasaiako Udaleko lau taldek (denak, PPk izan ezik) adierazpen instituzionala adostu dute. Horrela, biharko eguna GIB birusak eragin duen “izurritea” gogoratzeko baliagarria de...
Oiartzungo mutilek, Hondarribiaren kontra jokatuko dute bihar, 15:30ean etxean. Oiartzuarrak sailkapeneko bosgarren postuan daude, 20 punturekin. Hondarribiarrak, berriz, bederatzigarrenak dira 17 punturekin.
Hezkuntzan izaten ari diren murrizketak ikastetxeen haserrea piztu du, eta Langaitz Ikastolan ere murrizketa horiek salatu zituzten atzo ikasle, irakasle zein gurasoek. Zehazki, Lehen Hezkuntzako eraikinaren aurrean elkartu ziren hamarnaka lagun.
Gaztañotarrek edukiko dute aukera etzi, Udal Txistulari Bandaren doinuak entzuteko. Goizean zehar ibiliko dira kaleak alaitzen, eta ezagunak diren hainbat doinu jotzen.
Hondarribia-Irun saskibaloi taldeak Seu Urgellen (Lleida, Herrialde Katalanak) jokatuko du bihar, Cadi ICG Software taldearen kontra, Emakumeen Ligako zortzigarren jardunaldian. 13:00etan hasiko da partida eta Teledeporte telebista katetik jarraitu aha...
Opari fisiko bat egin beharrean fisikoa lantzeko oparia egitea proposatu du Serviociok Galtzarabordako kiroldegiko eta Fanderiako igerilekuetako instalazioak kudeatzen dituen enpresak. Izen emateren bat egiten dutenek, gainera, saria jasoko dute: hiru ...
Mertxe Trantxe adituak Minervaren Foroaren baitan egingo den irakurketa kluba gidatuko du bihar, Oiasso Erromatar Museoan. Julio Medem donostiarraren Aspasia nobela landuko du klubak, 18:00etatik aurrera. Sartzea debalde izango da.
Euskal preso eta iheslariek “Euskal Herrian bizi behar dutela aldarrikatzeko” herriz herri elkarretaratzeak egingo dituzte gaur. Irunen, Zabaltza plazan elkarretaratzera deitu du Herrirak, arratsaldeko 20:00etan.
Etxe kaleratzeak aurrera eramaten dituzten banku eta aurrezki kutxetatik diru funtsak ateratzea eta gordailurik ez egitea aho batez erabaki zuen herenegun Irungo Udalbatzak. Bidasoko Stop Kaleratzeak plataformaren ekimenez Bildu, EB-Berdeak eta EAJ udal taldeek mozioa aurkeztu behar zuten arren, azkenean, alderdi guztiek hitzartutako mozio bateratua aurkeztu eta onartu zuten. Bidasoko Stop Kaleratzeak elkarteak eta Irungo udal taldeek onartutako mozioaren arabera, etxebizitza hutsak etxerik gabe gelditu diren herritarren eskura jartzea eskatu dio Irungo Udalbatzak finantza erakundeei, eta hori, alokairu sozialen bidez egitea. Halaber, “gutxieneko etika” edukitzea eta desjabetze prozedurak bi urtez eten ditzala exijitu diete udal alderdiek bankuei. Hipoteka Legearen aldaketa sakona egitea ere eskatu zion Udalbatzak Espainiako Gobernuari. Isilunea Bidasoko Stop Kaleratzeak mugimenduko kideak kontent agertu ziren Udalbatzak hartutako neurriekin, eta kaltetuei alokairu sozialak eskaintzea “irtenbide oso positibo eta garrantzitsutzat” jo zuen Miren Olaetxea taldeko kideak. Hala, gaia udalbatzarrean landu izana “etxe kaleratzeen aurkako mobilizazioen ondorio” dela aipatu zuen. Hala ere, hipoteka ordaintzeko arazoak dituzten lagunei “lehenbiziko ordainketa egiten ez duten unetik gurekin, Irunvirekin edota Etxebiderekin” harremanetan jar daitezela eskatu zien. Horiek horrela, Irungo bi herritarren kasuen gainean ohartarazi zuen: “Bata, urtarrilaren 18an etxetik kaleratzekoak dira, eta bestea, prozedura penalean sartzeko arriskuan dago”. Eta bidebatez, Manolo Reguera Donezteben (Nafarroa) bere [...]
Gaueko argazkien erakusketa egingo dute Kultura Aretoan bihartik hasita
Don Bosco lanbide heziketako zentroak proiektu bat jarri du martxan Espainiako lanbide heziketako bi zentro eta Vaillant enpresarekin batera. Egitasmo horren bidez, geotermia eta aerotermiaren energia eraginkortasuna landuko dute hiru zentro horietan. Zentro bakoitzak berezitasun bat dauka: bakoitza klima batean kokatzen dela, eta horrenbestez, geotermia eta aerotermiak klima bakoitzean daukan portaera ikusi, eta bietatik aukera merkeena eta eraginkorrena zein den aztertu nahi dute. Beste bi zentroak Montilla (Kordoba) eta Puertollanon (Ciudad Real) daude, klima lehor eta kontinentalean, hurrenenez hurren. Egitasmoaren aurkezpenean izan dira Nicolas Sagarzazu Don Boscoko zuzendaria, Jose Antonio Goikoetxea Don Boscoko Hotz eta Bero Saileko arduraduna, Iñigo Aldekoa Vaillanteko Energia Eraginkortasun Saileko arduraduna eta Iñaki Bolea Vaillanteko Energia Berriztagarrien Saileko arduraduna. Alde guztiek nabarmendu dute lankidetzaren garrantzia bati zein besteari ekartzen dizkien onurengatik, eta etorkizunean ere elkarlanean aritzeko prest agertu dira. Proiektu horrekin lotuta, ikerketa eta garapenak duen etorkizuna kontuan izan dute. Proiektu horren emaitzak hemendik bizpahiru urtera jakingo dituzte. Horretarako, geotermiak zein aerotermiak toki bakoitzean duen portaera ikusiko dute. Zentro guztiek ezaugarri berberak dituzte: gela 100 metro koadrokoa da, zoru erradiatzaile-freskagarria, eta 100 metroko sakonera duen zuloa egin dute, eta bertan 6 kilowatt-dun bonba geotermiko bat jarri dute. Hori zoru erradiatzailera lotua dago, eta horrekin 100 metro [...]
Emakumeen Bigarren Mailan jokatzen duen Oiartzunek, taulako azkena izango du aurrean asteburuan: Eibar. Etzi jokatuko dute partida, 15:30ean, Eibarko Unbe zelaian. Oiartzuarrak sailkapeneko bederatzigarren postuan daude, eta 15 puntu dituzte. Jokatutak...
Ttur-tturrek, Iturri merkatari elkarteak eta Oiartzungo Udalak antolatu dute Euskaraz Erosi Nahi Dut ekimena Euskaraz erostea bultzatzeko, ekimen berezia jarri dute martxan Ttur-ttur Euskaltzaleon Bilguneak, Iturri merkatari elkarteak eta Oiartzungo Udalak: Euskaraz Erosi Nahi Dut zozketa. Ttur-tturren 10. urteurrenaren aitzakian antolatu dute. Irailaren hasieran, herriko merkatariei eta ostalariei, gutuna bidali zien Ttur-tturrek. Hedabideetan ere gonbitea egin zien ekimenean parte hartzeko. Helburua, merkatari eta ostalariek eskainitako opariekin zozketa antolatzea zen, eta opari horiek euskaraz erosten dutenen artean banatzea. Euskaraz zerbitzua emateko prest dauden herriko 11 establezimendu animatu dira ekimenean parte hartzera. Helburua argia da, Ttur-tturrek jakinarazi duenez: «Ekimen honekin, herrian eta euskaraz erostea bultzatzea dugu helburu, zerbitzua euskaraz emateko prestatuta dauden komertzioak indartuz». Funtzionamendua Zozketan parte hartu ahal izateko, bezeroek euskaraz erosi behar dute establezimendu horietan (behean ikus daiteke zerrenda). Hala bada, dendariak txartela emango dio bezeroari. Txartel horretan, bere datuak bete beharko ditu erosleak, eta dendan bertan egongo den kutxan sartu. Abenduaren 3an (astelehena) hasiko da zozketan parte hartzeko epea, eta abenduaren 25era arte lortu ahal izango dituzte txartelak bezeroek. Xanisteban Egunean zozketa Epea bukatuta egingo dute zozketa: abenduaren 26an, Xanisteban Egunean. Zozketarako Oiartzun Irratiak saio berezia prestatuko du. Zozketa eginda, establezimendu bakoitzak egindako ekarpena bezero banari egokituko zaio. Bezeroei [...]
Iberdrolarekin izandako bileraren ondoren, Pasaiako Udalak jakinarazi du 2015eko ekainean bukatuko duela enpresak Donibaneko zentral termikoa desegiteko prozesua. Zentrala itxi eta hurrengo sei hilabeteetan desenergetizazio faseari ekingo diote: hodiak...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
