Hondarribia Marlaxka Xake taldeak jardunaldi ia biribila izan du

admin

Oarsoaldea

2013/02/04

Joan den asteburuan lider Eibarrekin berdindu eta gero, Idiazabal mendean hartu dute preferentekoek

Lurraldeko mailetan aritzen diren Hondarribia Marlaxka Xake Elkarteko lau taldeetako hiruk garaipena eskuratu dute asteburuan, eta besteak berdindu egin du. Preferente Mailako taldeak Idiazabalgo taldearen aurka jokatu zuen larunbatean Kasino Zaharrean eta errez nagusitu ziren hondarribiarrak (3,5-0,5). Garaipenaren ondoren Marlaxka A laugarren postuan jarri da, 9,5 punturekin, lidergoa partekatzen duten Urnietak eta Eibarrek baino 1,5 puntu gutxiagorekin. Lurraldeko Lehen Mailako taldeak ere etxean irabazi zuen, Gros Dren kontra (2,5-1,5). Preferentekoek bezala, Marlaxka Bk 9,5 puntu pilatu ditu orain arte, eta multzoko bosgarren tokian jarri da, laugarren den Hernani Arekin berdinduta. Aukera bat galdu du 2. Mailako taldeak Asteburuan irabazi ez duen Hondarribiko talde bakarra Bigarren Mailakoa izan zen; 2na berdindu zuten Donostian, multzoko azkenaren, Gros Eren kontra. Hirugarren tokian jarraitzen dute, baina aukera polita galdu duten sailkapeneko lehen bi tokietan diren Gros G eta Hernani Brengandik gertuago jartzeko. 8 puntu ditu Marlaxka Ck eta 12,5 lidergoan diren donostiarrek. Eta Hirugarren Mailako taldeak, Marlaxka Dk 3-1 gailendu zitzaion Mundarro Cri eta bigarren postua lapurtu die Astigarragakoei. Multzoko talde onenak, Gros Ik 4-0 irabazi zion Fortuna Cri eta 13 puntu ditu, Hondarribia Hondarribiko laugarren taldeak baino 3 gehiago.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.