Bidasoko AEK-ko kideak, atzo, Korrika aurkezten
Atzo goizean agerraldia egin zuten Bidasoko AEK-ko ordezkariek Korrika 18ren barrukoak aurkezteko. Batetik, Korrikaren xedeen azalpena egin zuten, eta bestetik Korrikaren harira antolatu diren ekimenen berri eman zuten. Izan ere, aurtengo leloaren gaineko gogoeta –
Eman euskara elkarri–egin zuten lehenik AEK-ko kideek, eta esan zuten euskal herritarrok “elkarrekin bizitzeko aukeratu mahi dugun hizkuntza” euskara dela, “halakorik ezean, berriro ere, euskal gizartearen zati handi eta garrantzitsua, euskaldunona eta euskalakariona, alboratuko genuke”. Hala, euskara “denona eta denontzat” dela nabarmendu zuten, “inolako bazterketarako asmorik gabe” eta horren harira erabaki dutela nor omendu Korrikaren barruan, “euskalduntzen eta alfabetatzen ari zareten ehunka pertsonak”.
Euskara ikasten ari direnen “ahalegina” goraipatzeaz gain, horeim elkarbizitzarako “aukerak” sortzen ari direla aitortu zuten atzo AEK-ko kideek, “eta zuek omentzeko modurik egokiena Bidasoan inoizko Korrikarik jendetsuena egitea dela uste dugu”.
Aldi berean, Korrikaren kilometroa erosteko “ahalegin paregabea” egin dutenei eskerrak eman zizkieten. Oraingoz, honakoak dira Bidasoan kilometroa erosi dutenak: Oarso Bidasoko langileak, Irungo CAFeko LAB eta sekzio sindikala,Irungo Mendizaleak elkartea,Elatzeta Ikastetxea, Elatzetako auzokideak, Lakaxita Gaztetxea eta bertako eragileak, Amuteko Auzo elkartea, Emeki emakume elkartea, Hondarribia Arraun Elkartea, Hondarribiko Udala, Talaia ikastetxe eta institutua, Arrantzaleen Kofradia, Olagarro elkartea, Hondarribiko EH Bildu, Hondarribiko EAJ, Irungo EAJ, Pio Baroja Institutua, Bidasoa Institutua, Eguzkitza Ikastetxea, Irungo Moskuko tabernak, Kemen dantza taldea, Irungo EKT elkartea, eta Irungo Betti-Gotti euskara taldea.
Jarraian, datozen egunetarako Korrikaren barruan antolatutakoen zerrenda ikus daiteke:
Hilak 15 (ostirala), 23:00etan Irungo Kabigorrin, Jon Miner eta Intxixu lotien bandaren kontzertua.
Hilak 21 (osteguna), Korrika Txikia egingo dute Irunen. Aldi berean, Joxe Mari Agirretxe
Porrotx-ek helduentzako hitzaldia emango du 17:00etatik aurrera Irungo AEKn.
Hilak 22 (ostirala), Korrika Txikiak egingo dira Hondarribia (goizean) eta Hendaian (arratsaldean).
Hilak 23 (larunbata). Korrika iritsiko den egunean Korrika afariak egingo dira hainbat tokitan, besteak beste Landetxako Elatzetan, Hondarribiko Olagarron nahiz Batzokian, Irungo hainbat taberna eta EKTn (azken honetara joateko txartelak erosi behar dira. Sunbilla, Migel eta Mari tabernetan nahiz AEKn erosi ahalko dira).
