LOMCE legearen kontrako mobilizaziora joateko deia egin dute
Hezkuntzan Geu Eragile taldeak deia egin du hilaren 20an Donostian egingo den LOMCE legearen kontrako kalejiran parte hartzera. Denok Hezkuntza taldearekin batera antolatuko dute. Oarsoaldean eta Bidasoan Geu Eragilek ordezkariak ditu hainbat ikastetxetan. Hilaren 20an izango da mobilizazio hori, Donostian: Alderdi Ederren izango da. Mobilizazioarekin “euskal hezkuntza publikoaren kontrako murrizketak eta inposatu nahi diguten LOMCE legea” salatuko dituzte ikasleek, gurasoek eta ikastetxeetako langileek.
Geu Eragile taldekoen arabera, Espainiako Gobernuak ezarri nahi duen legeak (Wert legea bezala ezagunagoa da) “gure hezkuntzaren kalitatea, euskalduntasuna eta herritarron aukera berdintasuna zapuztuko” ditu, “horren ordez merkantilismoa, errebalida, elitismoa eta españolizazioa inposatu nahi digute”.
