Iazko Jaion “espaziala” izango zela esan zuten antolatzaileek, eta aurtengoa “espeziala” izango da. Larunbatean, Jaion ekimenaren hamargarren ekitaldia egingo dute, eta horrekin batera
Lakaxita gaztetxearen zortzigarrena. Izan ere, 2004ko Jaionen okupatu zuten Lakaxita, eta bi ospakizunak bateratuko dituzte hilaren 20an. 17:30ean abiatuko da Jaionen martxa Moskutik gaztetxera, eta bertan, 20:00etatik aurrera, kontzertuak izango dira Inoren Ero Ni, El Desvan del Macho, Mushroom Caffeine eta Apurtu taldeekin. Göo DJak ere emanaldia emango du. Ondoko bideoa jaiaren berri emateko Lakaxitak egin du.
Moskutik gaztetxerainoko musika kalejiran Boom taldeak
The Sonics bandari gorazarre egingo dio. Eta ohar bat eman dute ere: ahalik eta jende gehien txano batekin, edozein motakoa, ager dadila, horien lehiaketa egingo dutelako.
Jaionen berri emateaz gain, azken hilabeteetan Lakaxitan egin duten lanaren azalpenak eman dituzte. “Ekimenez beteta egon da gaztetxea”, esan dute, “ehunka pertsona pasatu dira sasoi osoan zehar, eta ekimen andana antolatu dituzte gaztetxeko asanbladak edota espazioa erabiltzen duten beste eragileek”. Horrela, feminismoak, etxe kaleratzeen kontrako mugimenduak, “azpiegitura txikitzaileak salatzeko” ekimenek, baratze agroekologiko zaleek, gazteen “errebeldia” sustatzeko ekimenek edo kultur aniztasunarekin lotutako jarduerek bertan tokia izan dutela nabarmendu dute.
“Urtez urte, egiaztatzen goaz gure moldeak geroz eta baliagarriagoak direla. Krisi garai hauetan, autogestioa eta sanblada, norbanakoen independentzia eta kolektiboaren garrantzia sustatuz, eredu berriak sortzen goazelako”, zehaztu dute. Hartara, “erakunde atzerakoi, espekulatzaile edota indar errepresiboek gure pastela mikazten diguten arren”, bertan egiten den lanaren baliagarritasuna aldarrikatu dute gaztetxekoek, “bizkotxoa bezain xamurra, hostorea bezain kurruskaria, merengea bezain krematsua, azukrea bezain gozoa da”.
Iazko Jaion “espaziala” izango zela esan zuten antolatzaileek, eta aurtengoa “espeziala” izango da. Larunbatean, Jaion ekimenaren hamargarren ekitaldia egingo dute, eta horrekin batera Lakaxita gaztetxearen zortzigarrena. Izan ere, 2004ko Jaionen okupatu zuten Lakaxita, eta bi ospakizunak bateratuko dituzte hilaren 20an. 17:30ean abiatuko da Jaionen martxa Moskutik gaztetxera, eta bertan, 20:00etatik aurrera, kontzertuak izango dira Inoren Ero Ni, El Desvan del Macho, Mushroom Caffeine eta Apurtu taldeekin. Göo DJak ere emanaldia emango du. Ondoko bideoa jaiaren berri emateko Lakaxitak egin du.
Moskutik gaztetxerainoko musika kalejiran Boom taldeak The Sonics bandari gorazarre egingo dio. Eta ohar bat eman dute ere: ahalik eta jende gehien txano batekin, edozein motakoa, ager dadila, horien lehiaketa egingo dutelako.
Jaionen berri emateaz gain, azken hilabeteetan Lakaxitan egin duten lanaren azalpenak eman dituzte. “Ekimenez beteta egon da gaztetxea”, esan dute, “ehunka pertsona pasatu dira sasoi osoan zehar, eta ekimen andana antolatu dituzte gaztetxeko asanbladak edota espazioa erabiltzen duten beste eragileek”. Horrela, feminismoak, etxe kaleratzeen kontrako mugimenduak, “azpiegitura txikitzaileak salatzeko” ekimenek, baratze agroekologiko zaleek, gazteen “errebeldia” sustatzeko ekimenek edo kultur aniztasunarekin lotutako jarduerek bertan tokia izan dutela nabarmendu dute.
“Urtez urte, egiaztatzen goaz gure moldeak geroz eta baliagarriagoak direla. Krisi garai hauetan, autogestioa eta sanblada, norbanakoen independentzia eta kolektiboaren garrantzia sustatuz, eredu berriak sortzen goazelako”, zehaztu dute. Hartara, “erakunde atzerakoi, espekulatzaile edota indar errepresiboek gure pastela mikazten diguten arren”, bertan egiten den lanaren baliagarritasuna aldarrikatu dute gaztetxekoek, “bizkotxoa bezain xamurra, hostorea bezain kurruskaria, merengea bezain krematsua, azukrea bezain gozoa da”. 
