Kontuz kontari ipun kontakizun jaialdia hasiko da asteazkenean
Asteartetik aurrera, ipuinaren munduan sartuko da Errenteria-Orereta, Kontuz kontari ipuin kontakizun jaialdia dela eta. Lehen egunean, asteartean, Andoni Egaña entzuteko aukera izango da, Ahozkotasuna izenburua daukan hitzaldi bat emango baitu, 19:30ean, Xenpelar Etxean.
Landamasa kontalaritza elkarteak eta Errenteriako Udalak antolatu dute lehen aldiz jaialdi hori, eta besteak beste, hitzaldiak, ipuin tailerrak, ipuin poteoa… eskainiko ditu. Antolatzaileen arabera, ekimen horrekin kultur bizitzari beste proposamen bat gehitu nahi diote, gainera, kontuan hartuta, ipuin kontalaritza tokia hartzen ari dela arte eszenikoen munduan. Gogorarazi dute ez dagoela haurrei bakarri zuzenduta, “helduentzako proposamen arras interesgarriak dira”.
Emanaldi bakoitzerako sarrerak 5 euro balio du, eta Errenteria Hiria Kulturgunean eros daiteke. Bonoa ere eros daiteke 16 euroren truke, lau emanaldietarako. Bestalde, ipuin tailerretan izena emateko 9 euro ordaindu behar dira. Hori bai, bonoa erosiz gero, ikastaroa doan da. Izena emateko Mikelazulotik ere pasatu daiteke.
Egitaraua
Asteartea 29- 19:30: Andoni Egañaren eskutik, Ahozkotasuna hitzaldia izango da, Xenpelar Etxean.
- 20:30: Joxemari Carrerek Ipuin bidaiaria ikuskizuna emango du, Errenteria Hiria Kulturgunean.
- 09:00-13:30: Itziar Rekalde kontalariak Ipuinaren bidaia emozionala ipuin tailerra emango du, Xenpelar Etxean.
- 20:00: Martha Escudero mexikarrak Los retablos de Norma Calvo ipuina kontatuko du, Errenteria Hiria Kulturgunean.
- 22:30: Carles Garcia valentziarrak Irás y no volverás ipuina kontatuko du, Errenteria Hiria Kulturgunean.
- Eguerdian: Ipuin poteoa, herriko kaleetan.
- 20:30: Koldo Amestoyk Biribilketa Luma Beltza ikuskizuna emango du, Errenteria Hiria Kulturgunean.
