Irungo Artalekuko instalazioak hobetzeko lanak hasi dira
Irungo Artaleku kiroldegian hainbat berrikuntza lan egiten hasi dira gaur. Bertako igerilekuko estalkia, eta igerilekua bera konpontzeko lanak izango dira, eta horren ondorioz, hainbat aldaketa izango ditu kirol zerbitzuak datorren asteetan. Hasteko, igerilekuko eta hidromasajeko zerbitzuak nahiz bertako taberna-kafetegia itxita egongo dira abuztuaren 31ra arte. Horrez gain, kiroldegi ondoko aparkalekuen plazak erdira jaitsiko dituzte, eta hara iristeko bidea, gainera, ez da beti zabalik egongo.
Irungo Udalak jakinarazi du zerbitzu guztiak irailaren 1ean berriz ere abian jartzeko asmoa duela, eta aldi berean, Azken Portuko instalazioak erabil ditzaketela erabiltzaileek.
