Irunen presoen aldeko "tantak" bildu dituzte, "itsasoa osatzeko"

irungo hitza

Oarsoaldea

2013/12/21

Gaurko agerraldian, irundarrak tantekin

“Tantaz tanta presoen eskubideen alde” lanean ari direla jakinarazteko agerraldia egin dute gaur eguerdian Irunen, Sargia parkearen atarian. Bertan hamarnaka irundarrek presoen alde “une historiko honetan tantaz tanta itsaso bat” egin behar dutela adierazi dute, “hala eskatzen du herri honen gehiengo sozialak. Geroari begira jarrita gaude hemen, baina ezer baino lehen, gatazkak utzitako zauriak itxi, eta pilatutako sufrimendua arindu beharko dugu”. Hala, pertsona guztien giza eskubideak, eta presoei, iheslariei eta haien gertukoei ezartzen dizkieten “salbuespenezko egoeren amaiera” eskatu dute gaurko agerraldian. “egiaz sinesten baitugu espetxe politika hau konponbiderako eta baketako oztopo dela”, eta egoera horri buelta emateko ezinbestekotzat jo dute gizartearen inplikazioa, “tanta ezberdinak gara, baina komunean dugu giza eskubideen defentsa, konponbidea eta bakea, euskal presoak Euskal Herrira”. Horregatik guztiagatik, urtarrilaren 11ko Bilboko nazio manifestaziora herritarrak deitzeaz gain, Irunen izango diren ekimenetan parte hartzera deitu dituzte, “tantaz tanta itsaso handia sortzeko preso eta iheslarien eskubideen alde”.

Hilak 24, 19:00etan, presoen aldeko elkarretaratzea San Juan plazan.
Hilak 27, 20:00etan, Zabaltza plazatik manifestazioa.
Hilak 28, 12:00etan, Martuteneko espetxera martxa.
Hilak 31, 19:30ean, Moskun, preso eta iheslarien aldeko brindisa.
Urtarrilak 11, nazio manifestazioa Bilbon.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.