Udalak aurtengo zerga egutegiaren berri eman du
Pasaiako Udalak 2014rako zerga egutegiaren berri eman du. Bide batez, Pasaian zergetarako indarrean diren hobariak jakinarazi dituzte.
Hona egutegia:
Martxoaren 1etik apirilaren 22ra, Trakzio mekanikoko Ibilgailuen Gaineko Zerga; Jabari publikoaren erabilera eta Ura eta saneamendua (2013ko hirugarren lauhilekoa). Kontuan zorduntzea: 2014/04/22.
Apirilaren 1etik maiatzaren 20ra, Zabor bilketa , Lehengo seihilekoa. Kontuan zorduntzea: 2014/04/20.
Maiatzaren 15etik uztailaren 7ra, Ondasun Higiezinen gaineko Zerga. Kontuan zorduntzea: 2014/07/07.
Uztailaren 1etik abuztuaren 20ra, Ura eta saneamendua, 2014. urteko lehen lauhilekoa. Kontuan zorduntzea: 2014/08/20.
Irailaren 1etik urriaren 21era, Ibilgailuen sarrera tasa eta taxi autoen lizentzia tasa. Kontuan zorduntzea: 2014/10/21.
Urriaren 1etik azaroaren 20ra, Jarduera Ekonomikoen gaineko Zerga eta zabor bilketa, 2. seihilekoa. Kontuan zorduntzea: 2014/11/20.
Azaroaren 1etik abenduaren 22ra, Ura eta saneamendua, 2014. urteko 2 lauhilekoa. Kontuan zorduntzea: 2014/12/22.