
Defentsa da etxean La Bacaladerak duen armetako bat
Euskal Ligan jokatzen duen La Bacaladera Hondarribia eskubaloi taldeak Soraluceren kontra jokatuko du igandean Hondartza kiroldegian, 12:00etan. Hondarribiarrak bigarren dira sailkapenean eta Soraluce hirugarren, Erandio eta Amenabarrekin berdinduta. Lau puntu ateratzen dizkie La Bacaladerak eta tarte hori handitu nahi du asteburuan, igoera fasea jokatzeko aukera ematen duten lehen bi postuetako bat lortze aldera. Noski, horretarako Soraluceri irabazi behar dio eta ez da partida erraza izango.
Lehen itzulian berdindu zuten baina azkenaldian makal dabil Soraluce, azken hiru partidak galdu dituelako, tartean azkenaren eta azken hirugarrenaren kontra. La Bacaladerak, aldiz, etxeko partida guztiak irabazi ditu orain arte, nahiz eta oraindik talde indartsuenak ez diren Hondartzatik pasatu; otsailan eta martxoan sailkapeneko goiko aldeko aurkariak izango dituzte bisitari Hondartzan.
[box]
Euskal Ligako lehen postuak
- Ucin Aluminio Usurbil. 28 puntu.
- La Bacaladera Hondarribia. 23 puntu.
- Soraluce. 19 puntu.
- Erandio. 19 puntu.
- Amenabar. 19 puntu.
- Corazonistas 16 puntu.
[/box]