Gure Esku Dago taldeak ekaineko giza katerako motorrak berotuko ditu heldu den astean Bidasoan
Martxoaren 3tik 9ra hainbat ekimen deituko ditu Gure Esku Dago herritar plataformak Irunen eta Hondarribian. Erabakitzeko eskubidearen aldeko taldea da eta ekainaren 8an erabakitzeko eskubidearen aldeko giza katea antolatuko du. Durango eta Iruñea artean 123 kilometroko giza katea osatu nahi dute, horretarako 50.000 pertsona batuz.
Martxoaren 3tik 9ra hainbat ekimen deituko ditu Gure Esku Dago herritar plataformak Irunen eta Hondarribian. Erabakitzeko eskubidearen aldeko taldea da Gure Esku Dago eta herriz herri aurkezpenak egiten ari da. Ekainaren 8an erabakitzeko eskubidearen aldeko giza katea antolatuko du Gure Esku Dago ekimenak. Durango eta Iruñea artean 123 kilometroko giza katea osatu nahi dute, horretarako 50.000 pertsona batuz.
Gure Esku Dago ekimenaren ekintzak Bidasoan
- Martxoak 3, astelehena. Eskuak zabaldu, Irungo San Joan plazan, 11:00etatik 13:00etara eta 17:00etatik 19:00etara.
- Martxoak 4, asteartea. Eskuak zabaldu, Hondarribiko Butroi pasealekuan, 11:00etatik 13:00etara eta 17:00etatik 19:00etara.
- Martxoak 5, asteazkena. Eskuak margotu, Irungo Zabaltza plazan, 16:00etatik 19:00etara.
- Martxoak 6, osteguna. Eskuak margotu, Hondarribiko San Pedro kalean, 16:00etatik 19:00etara.
- Martxoak 7, ostirala. Gazte Olinpiada San Joan plazan, 17:30ean. Ondoren, triki-poteoa Moskun, 19:00etatik 22:00etara.
- Martxoak 8, larunbata. Mendi martxa herrikoia, 09:00etan Sainduatik abiatuta. Gauean Beira taldearen kontzertua, Banako tabernan, 21:00etan.
- Martxoak 9, igandea. Gure Esku Dago jaialdia eta giza katea Irunen, 11:00etatik 13:30era, Zabaltza plazan.
