Hondarribia-Marlaxkak aurreko asteburuko makalaldia zuzendu du
Gipuzkoako Xake Ligako Ohorezko Mailan aritzen den Hondarribia-Marlaxka A taldeak garaipen garrantzitsua lortu zuen Villabonan (1,5-2,5). Laugaren tokian jarraitzen dute hondarribiarrek eta Anaitasuna-Kakute liderrarengandik 2,5 puntura jarri dira. Lehen Mailako herriko ordezkariak, Marlaxka B-k, 2-2ko berdinketa lortu zuen Zarautzen.
Gipuzkoako Xake Ligako Ohorezko Mailan aritzen den Hondarribia-Marlaxka A taldeak garaipen garrantzitsua lortu zuen Villabonan (1,5-2,5) eta sailkapeneko aurrekoekiko tartea murriztea lortu du. Laugaren tokian jarraitzen dute hondarribiarrek baina Anaitasuna-Kakute liderra bakarrik 2,5 puntura dago (ikusi sailkapenak).
Lehen Mailako herriko ordezkariak, Marlaxka B-k, 2-2ko berdinketa lortu zuen Zarautzen. Gros D liderrak irabazi eta tartea handitu du, baina bigarren tokian dagoen Beraun Berak galdu egin zuen etxean Arrasaterekin eta oreretarrengandik bi puntura jarri da Marlaxka, hirugarren postuan.
Bigarren eta Hirugarren mailetako taldeek liga bukatu dute. Marlaxka C-k 0-4 galdu zuen Grosen kontra eta datorren urtean 2. Mailan jarraitu ahal izateko jaitsiera kanporaketa jokatu beharko du.
Eta 3. Mailan ere bukatu da liga. E taldeak atseden izan du, aurreko astean igoera kanporaketa jokatuko duela ziurtatu eta gero. D taldeak garaipena lortu du azken jardunaldian, baina ez da nahikoa izan Marlaxkak igoera fasean bi talde izateko.
