Eñaut Elorrietaren deserriko kantuekin abiatuko da Antxoko Musika Astea
Bihar hasiko da Pasai Antxon Musika Astea, eta datozen bi asteburuetan, egunero izango dira kontzertuak. Horietatik lehena Eñaut Elorrietarena. Ken Zazpi taldeko abeslari ezagunak, bakarkako kontzertua emango du Antxon, Deserriko kantuak diskoa aurkezteko. Antolatzaileek zehaztu dutenez, emanaldi musikatua eta errezitatua izango da Elorrietarena, eta disko honi lotuta bizi izan dituen esperientziak kontatuko dituela iragarri dute.
Larunbatean, San Fermin elizan izango da kontzertua, 20:00etatik aurrera. Haizea Muñoz sopranoak abestuko du, Ana Belen Garciak pianoarekin lagunduta. Haizea Muñozek ibilbide oparoa du kantuan, eta gaur egun Easo eta Andra Mari abesbatzetako teknika bokalaren 
arduraduna da. Ana Belen Garcia andoaindarrak, piano irakaslea izateaz gain, hamaika errezital eman ohi ditu urtero, bakarka zein lagunduta, eta horrez gain, Donostiako Santa Maria basilikako abesbatzako organo jotzailea da.
Igandean herriko abeslariek hartuko dute lekukoa. Pasaia Abesbatza eta Pasaia Gazte Abesbatza, bi koruek kantatuko dute San Fermin parrokian, 19:30etik aurrea. Imanol Elizasuk zuzenduko du kontzertua, Luis Elberdinek pianoan lagunduta.
Lan egunetako etenaren ondotik, Musika Asteak hurrengo asteburuan izango du jarraipena, beste lau kontzetuarekin. Hilaren 28an, ostirala, Laukene soka laukotearen kontzertua izango da, 20:30ean, elizan.
Hilaren 29an, berriz, jazz doinuen txanda izango da, Ibon Irijoa Jazz Quartetekin, 20:00etan, Pasai Antxoko kultur etxean.
Illunbe Musika Bandak igande eguerdia gozatuko du, Gure Zumardian emango duen kontzertuarekin, 13:00etan, eta egitaraua Oñatiko Ganbara Txiki Abesbatzak itxiko du, hilaren 30ean, elizan emango duen kontzertuarekin, 19:30ean.
arduraduna da. Ana Belen Garcia andoaindarrak, piano irakaslea izateaz gain, hamaika errezital eman ohi ditu urtero, bakarka zein lagunduta, eta horrez gain, Donostiako Santa Maria basilikako abesbatzako organo jotzailea da.
Igandean herriko abeslariek hartuko dute lekukoa. Pasaia Abesbatza eta Pasaia Gazte Abesbatza, bi koruek kantatuko dute San Fermin parrokian, 19:30etik aurrea. Imanol Elizasuk zuzenduko du kontzertua, Luis Elberdinek pianoan lagunduta.
Lan egunetako etenaren ondotik, Musika Asteak hurrengo asteburuan izango du jarraipena, beste lau kontzetuarekin. Hilaren 28an, ostirala, Laukene soka laukotearen kontzertua izango da, 20:30ean, elizan.
Hilaren 29an, berriz, jazz doinuen txanda izango da, Ibon Irijoa Jazz Quartetekin, 20:00etan, Pasai Antxoko kultur etxean.
Illunbe Musika Bandak igande eguerdia gozatuko du, Gure Zumardian emango duen kontzertuarekin, 13:00etan, eta egitaraua Oñatiko Ganbara Txiki Abesbatzak itxiko du, hilaren 30ean, elizan emango duen kontzertuarekin, 19:30ean.
