Pentsamendu positiboa, Zuk Egin Dezakezu jardunaldietan
Erronka berriei aurre egiteko pentsamendu positiboa lantzeko jardunaldiak berriz ere egingo dituzte, TPA Zuk Egin Dezakezu izenekoak. Iaz Oarsoaldean egin zituzten jardunaldi horiek lehenengoz, baina izan zuten arrakasta ikusita, Gipuzkoa osora zabaldu dituzte. Besteak beste, Irunen eta Errenteria-Oreretan egingo dituzte jardunaldien barruko tailer eta hitzaldiak. Apiriletik urrira garatuko dute herrialde mailako ekinbidea. Garapen pertsonala eta lidergoa sustatzeaz gain, enpresa eta pertsonei laguntzea da asmoa.
Iaz Oarsoaldea Garapen Agentziaren laguntza izan bazuen ere, egitasmoak aurten Irun On, Goieki, Tolosaldea Garatzen eta Donostiako Sustapena erakundeen laguntza izango du. Eta horren arabera antolatuko dituzte tailerrak. Honakoak dira:
- Hilak 11 eta 12. Irungo Ficoban, Alex Rovirak Creer, crear y lograr hitzaldia (11n) eta tailerra (12an) emango du.
- Maiatzak 30 eta 31. Donostiako Kursaal auditorioan, Pilar Jericó-k Descubre el valor que llevas dentro hitzaldia (maiatzak 30) eta tailerra (31n) emango du.
- Ekainak 13 eta 14. Tolosako Topic auditorioan, Javier Iriondok Fortaleza mental y valores, claves de una nueva era hitzaldia (13an) eta tailerra (14an) emango ditu.
- Irailak 19 eta 20. Errenteria-Oreretako Niessen auditorioan, Luis Oiartzabal eta Iker Hacedor de Aventuras-ek Cree en ti… el paso previo al primer paso jardunaldiak egingo dituzte 19an hitzaldian, eta 20an tailerra.
- Urriak 25eta 25. Victor Küppers-ek La gestion del entusiasmo izeneko jardunaldiak gidatuko ditu Beasaingo Usurbe aretoan.
