Luzuriagako langile borroka hizpide, larunbatean, laborategian
Lucha obrera en Luzuriaga hitzaldia antolatu du Luzuriaga Martxan iniziatibak larunbaterako. Hizlaria, Pablo Díez izango da, fabrikako langile ohia. Lezon jaio zen Pablo Diez, 1947. urtean, eta hamalau urte zituela hasi zen lanean Luzuriagan. Gaztetxoa zelarik hartu zuen bizi zen munduaren kontzientzia: lanaren gogorrak, diktaduraren latzak, lankide politizatuek eta isileko formazio eskolek militantea moldatu zuten. Luzuriagako lehen langile komitearen sortzaileetarikoa izan zen, eta hainbat zeregin sindikal eta politiko hartu zituen bere gain Francoren diktadura gogorrean. Atxilotu egin zuten 1971ean, eta galdu egin zuen lanpostua. Lan amnistiak berriro zabaldu zion Luzuriagako atea 1977an, eta legepeko sindikalgintzan jardun zuen. Gizon apala, hiztun egoki eta umoretsua, ezer ez bat bezala dakizki kontatzen sindikalgintza modernoaren leherrenak eta lorpenak Oarsoalde guztian erreferentzia izan zen Luzuria lantegiko borrokak dituela oinarri. Eta dena, espiritu kritiko eta zorrotz batean.
Gaztelaniaz emango du hitzaldia Diezek. Ondoren solasaldia eta aperitiboa izango dira. Hitzaldia laborategian izango da, 12:00etan. Antolatzaileek hitzaldira tenorez biltzeko eskatu dute.
